जगभरात यूक्रेनवरील हल्ल्याचा विरोध:न्यूयॉर्कहून मॉस्कोपर्यंत रस्त्यावर उतरले लोक; रशियन्स सुद्धा म्हणतात- पुतिन यांनी देशाला एकटे पाडले!

युक्रेनवर रशियन हल्ल्याचा आज दुसरा दिवस आहे. रशियाचे राष्ट्राध्यक्ष व्लादिमीर पुतिन यांच्या युक्रेनवर हल्ला करण्याच्या निर्णयाचा जगभरातून निषेध होत आहे. अमेरिका, जर्मनी, ऑस्ट्रेलिया, हंगेरी, फ्रान्स, जपान, स्वित्झर्लंडमधील लोक रशियन हल्ल्याचा निषेध करत आहेत. त्याचवेळी पुतीन यांच्याविरोधात त्यांच्याच देशात लोक निदर्शने करत आहेत. रशियन सेलिब्रिटी, पत्रकार म्हणतात की हे युद्ध सुरू करून रशियाने स्वतःला जगापासून वेगळे केले आहे.

आता 10 फोटोंमध्ये पाहा, न्यूयॉर्क, पॅरिस, बुडापेस्ट, टोकियो, बर्लिनपासून मॉस्कोपर्यंत लोक कसे यूक्रेनवर रशियाच्या मिलिस्ट्री अॅक्शनचा विरोध करत आहेत...

युक्रेनमध्ये अडकलेल्या भारतीय विद्यार्थ्यांनी मदतीची केली मागणी
दुसरीकडे युक्रेनमध्ये अडकलेल्या भारतीय विद्यार्थ्यांनीही दिल्लीत आंदोलन करून सरकारवर दबाव टाकण्याचे आवाहन केले आहे. युक्रेनमधील भारतीय विद्यार्थ्यांचा प्रमुख एजंट हरदीपने सोशल मीडियावर एक पोस्ट टाकली आहे. यामध्ये तो मदतीसाठी याचना करत आहे. आपल्या नातेवाईकांनी किंवा ओळखीच्या लोकांनी दिल्लीतील रशियन दूतावासासमोर आंदोलन केल्यास रशियन सरकारवर दबाव आणला जाईल आणि आम्ही युक्रेनमधून बाहेर पडण्याचा मार्ग निघेल असे तो म्हणाला आहे.