युक्रेनवरील हल्ल्याचा 39 वा दिवस:कीव्हमधून रशियन लष्कराचा काढता पाय, रस्त्यांवर आढळले 20 सर्वसामान्य नागरिकांचे मृतदेह, हात बांधून डोक्यात घालण्यात आली होती गोळी

रशिया-युक्रेन युद्धाचा आजचा 39 वा दिवस आहे. वॉशिंग्टन पोस्टच्या वृत्तानुसार, रशियन लष्कर युक्रेनची राजधानी कीव्हच्या परिसरातून काढता पाय घेत आहे. त्यानंतर या ठिकाणी अत्यंत भीतीदायक चित्र दिसून येत आहे. कीव्ह लगतच्या एका रस्त्यावर सर्वसामान्य नागरिकांचे 20 मृतदेह आढळलेत. या लोकांचे हात बांधून डोक्यात गोळी घालण्यात आली आहे. स्थानिक माध्यमांनी मृतांत पुरुष, महिला व एका 14 वर्षीय मुलाचा समावेश असल्याचा दावा केला आहे.

कीव्हवर युक्रेनचे नियंत्रण कायम

युक्रेनचे उप संरक्षण मंत्री अन्ना मल्यार यांनी कीव्हच्या सर्वच क्षेत्रावर देशाचे नियंत्रण असल्याचे स्पष्ट केले आहे. युक्रेनच्या राष्ट्राध्यक्षांच्या एका सल्लागाराने जनतेला मारियुपोलसह देशाच्या दक्षिण व पूर्व भागातील युद्धासाठी सज्ज राहण्याचे आवाहन केले आहे.

मारियुपोलमध्ये मोठ्या संख्येने लोक अडकलेत. या लोकांना वाचवण्याचे प्रयत्न सुरू आहेत. रेड क्रॉसने शनिवारी आपल्याला अद्याप या शहरापर्यंत पोहोचण्यात यश आले नसल्याचे स्पष्ट केले होते. या ठिकाणी 1 लाखांहून अधिक जण अडकलेत.

इतर अपडेट्स....