रशिया-युक्रेन युद्ध:पत्रकाराने रशियाच्या वतीने क्षेपणास्त्र डागले, म्हणाला- युक्रेनला हॅलो...आम्ही नाझींशी लढा देत आहोत

रशिया-युक्रेन युद्धात केवळ सैनिकच नाही तर पत्रकारही संधी मिळाली तेव्हा युक्रेनविरूद्ध त्यांच्या मनातील राग व्यक्त करत आहेत. विशेष बाब म्हणजे नुकताच सोशल मीडियावर व्हायरल झालेल्या व्हिडिओत दिसून आले की, रशियाच्या एका पत्रकाराने युक्रेनविरूद्ध चक्क क्षेपणास्त्र डागण्याचे काम केले. या रशियन रिपोर्टरचा युद्ध कव्हर करण्याचा व्हिडिओ व्हायरल होत आहे. यामध्ये तो रशियाच्या बाजूने रॉकेट लोड आणि फायर करताना दिसत आहे.

युक्रेनचे माजी सरकारी वकील ग्यूंदुज मामेडोव्ह यांनी हा व्हिडिओ शेअर केला आहे. पत्रकार अशा प्रकारे युद्धात भाग घेत असल्याचे त्यावर त्यानी लिहिले. त्याचबरोबर काही लोक या घटनेकडे रशियाचा प्रोपोगंडा देखील म्हणत आहेत.

रिपोर्टर म्हणाला- हा माझा युक्रेनला 'हॅलो'
व्हायरल व्हिडिओमध्ये पहिला रिपोर्टर रशियन सैनिकांशी बोलताना दिसत आहे. यानंतर तो सैनिकांना रॉकेट लोड करण्यात मदत करू लागतो. यादरम्यान तो म्हणतो की, युद्धात पत्रकाराला अशा प्रकारे मदत करणे चुकीचे आहे. तथापि, हे एक विशेष प्रकरण आहे.
असे म्हटल्यानंतर, तो मल्टिपल लॉन्च रॉकेट सिस्टममध्ये रॉकेट बसवतो आणि म्हणतो की, तो युक्रेनला त्याच्याकडून हॅलो किंवा नमस्कार करतो. त्याच्या कृतीचे समर्थन करण्यासाठी, तो म्हणतो की रशिया आपल्या मातृभूमीसाठी लढत आहे. तो युक्रेनियन सैनिकांना नाझी देखील म्हणतो.

या युद्धात 1 लाखाहून अधिक सैनिक मारले गेले
सोमवारी, अमेरिकेच्या गुप्तचर संस्थेने रशिया-युक्रेन युद्धासंदर्भात नवीन माहिती जारी केली. या युद्धात आतापर्यंत रशियाचे एक लाखाहून अधिक सैनिक मारले गेल्याचा दावा करण्यात आला होता. त्याच वेळी, गेल्या 5 महिन्यांत 80 हजार जखमी झाले आहेत.

अमेरिकेच्या राष्ट्रीय सुरक्षा परिषदेचे प्रवक्ते जॉन किर्बी यांनी इंटेलिजन्सला सांगितले होते की, गेल्या 5 महिन्यांत 20 हजाराहून अधिक सैनिकांचा मृत्यू झाला आहे. यापैकी निम्म्याहून अधिक खाजगी लष्करी गट वाँगरचे लढवय्ये होते. युक्रेनच्या बाखमुत भागात लढताना ज्यांनी आपला जीव गमावला.

पोप फ्रान्सिस युद्ध संपवण्यासाठी गुप्त मोहिमेवर
जगातील सर्वात मोठे ख्रिश्चन धर्मगुरू पोप फ्रान्सिस यांनी रशिया-युक्रेन युद्ध थांबवण्यासाठी गुप्त मोहिमेवर काम करत असल्याचे म्हटले आहे. याबाबत माहिती देताना ते म्हणाले की, संवादाशिवाय शांतता कायम राहू शकत नाही. एक मिशन चालू आहे. ते आता सार्वजनिक करता येणार नाही.