रिपोर्ट:संसदेत 55% महिलांना प्रतिनिधित्व देणारा आफ्रिकी देश रवांडा एकट्या महिला प्रवास करणाऱ्या सुरक्षित 5 देशांमध्ये समाविष्ट

जगातील तीनपैकी एक प्रवासी एकट्याने प्रवास करणे पसंत करतो. ६५ आणि त्याहून जास्त वयाच्या महिला या बाबतीत आघाडीवर आहेत. वृद्ध महिला २०१९ मध्ये ४% आणि २०२२ मध्ये १८% होत्या. नॉर्वेजियन क्रूझ लाइनच्या संशोधनानुसार जगभरात एकट्याने प्रवास करण्याचा ट्रेंड वाढत आहे. एका संशोधनात जॉर्जटाउन युनिव्हर्सिटीच्या वुमेन्स पीस अँड सिक्युरिटी इंडेक्स (डब्ल्यूपीएस), वर्ल्ड इकॉनॉमिक फोरमचा ग्लोबल जेंडर गॅप रिपोर्ट आणि पीस ग्लोबल पीस इंडेक्स (पीजीपी) च्या आधारे एकट्या महिलांसाठी पाच सर्वात सुरक्षित देशांची निवड करण्यात आली आहे.

स्लोव्हेनिया : येथे रात्रीही महिला पर्यटक धाडसाने फिरू शकतात डब्ल्यूपीएस निर्देशांकात अव्वल असून ८५% महिलांना येथे प्रवास करणे सुरक्षित वाटते. अभ्यासात असे आढळून आले की, रात्रीच्या वेळीही महिला येथे निर्भयपणे फिरू शकतात आणि फोटो काढू शकतात. भाषेच्या किंवा नेव्हिगेशनच्या बाबतीत कोणतीही अडचण नाही. सार्वजनिक वाहतूक विश्वासार्ह आहे.

रवांडा : स्त्री-पुरुष समानता अव्वल महिलांसाठी सुरक्षित प्रवासाचे दुसरे स्थान रवांडा असून जिथे संसदेत ५५% महिला आहेत. संसदेत लैंगिक समानतेसाठी रवांडा जगात पहिल्या क्रमांकावर आहे. सामुदायिक सुरक्षिततेच्या निर्देशांकात ते सर्वात वर आहे. ग्लोबल जेंडर गॅप इंडेक्समध्ये ते ६ व्या क्रमांकावर आहे. दिवस-रात्र सुरक्षा असते, असा येथे महिला प्रवाशांचा अनुभव आहे.

यूएई : ९८% नी सुरक्षित ठरवले सामाजिक सुरक्षेच्या दृष्टीने, १५ वर्षे आणि त्याहून अधिक वयाच्या ९८.५% महिलांनी संशोधनात म्हटले आहे की रात्रीच्या वेळीही शहराभोवती फिरताना त्यांना सुरक्षित वाटते. मायट्रिपच्या निर्देशांकात दुबई हे एकट्या महिला प्रवाशांसाठी सर्वात सुरक्षित शहरांपैकी एक असल्याचे आढळून आले. अविवाहित महिला डेझर्ट सफारी करू शकतात.

जपान : महिलांसाठी खास सबवे कार, रेस्ट हाऊस ग्लोबल पीस इंडेक्सनुसार, टॉप १० सर्वात सुरक्षित देशांमध्ये समाविष्ट असलेल्या जपानमध्ये हिंसक गुन्ह्यांचे प्रमाण खूपच कमी आहे. जपानमध्ये फक्त महिलांसाठी सबवे कारची संस्कृती आहे आणि हॉटेल्स आणि रेस्ट हाऊस फक्त महिलांसाठी आहेत.

नॉर्वेे : पर्यटन व्यावसायिक महिला विश्वास वाढवतात सामाजिक सुरक्षेमध्ये पहिल्या १० मध्ये स्थान मिळालेले, नॉर्वे लैंगिक समानतेमध्ये अग्रेसर आहे. अनेक व्यवसाय महिलाच चालवतात. पर्यटन क्षेत्रातही व्यवसाय आहेत. हॅपीनेस इंडेक्समध्येही नॉर्वे सातव्या क्रमांकावर आहे. नॉर्वे एकट्या महिला पर्यटकांसाठी आदर्श आहे.