कच्छ सीमेजवळ चीनने उभारला पॉवर प्लांट:कोळशापासून 1600 मेगावॅट वीज निर्मिती करणार, शाहबाज म्हणाले- हे चीन-पाक मैत्रीचे उदाहरण

पाकिस्तानचे पंतप्रधान शाहबाज शरीफ यांनी 21 मार्च रोजी भारताच्या सीमेला लागून असलेल्या सिंध प्रांतातील दोन कोळसा ऊर्जा प्रकल्पांचे उद्घाटन केले. हे पॉवर प्लांट चीनच्या CPEC प्रकल्प म्हणजेच चीन-पाकिस्तान इकॉनॉमिक कॉरिडॉर अंतर्गत बांधले गेले आहेत.

भारताच्या विरोधानंतरही चीन CPEC मध्ये मोठी गुंतवणूक करत आहे. किंबहुना, सिंधमधील ज्या भागात थारपारकरमध्ये या वीज प्रकल्पांचे उद्घाटन करण्यात आले आहे तो भाग गुजरातच्या कच्छ भागाला लागून आहे. पाकिस्तानमधील कच्छ ते थारपारकर हे अंतर फक्त 133 किलोमीटर आहे.

'पॉवर प्लांट चीन-पाकिस्तान मैत्रीचे उदाहरण'

थारपारकर येथील वीज प्रकल्पाचे उद्घाटन करताना पाकिस्तानचे पंतप्रधान शाहबाज शरीफ म्हणाले की, हे दोन्ही देशांमधील वाढत्या मैत्रीचे आणि मजबूत भागीदारीचे उदाहरण आहे. यावेळी पाकिस्तानचे परराष्ट्र मंत्री बिलावल भुट्टो झरदारीही उपस्थित होते.

वृत्तानुसार, 1320 आणि 330 मेगावॅट क्षमतेचे दोन्ही पॉवर प्लांट पाकिस्तानमधील विजेची कमतरता पूर्ण करतील. आर्थिक अडचणींमुळे पाकिस्तानातील जनतेला वारंवार ब्लॅक आऊटला सामोरे जावे लागत आहे. चीनने उभारलेल्या पॉवर प्लांटमधून पाकिस्तानातील सुमारे 40 लाख लोकांना वीज मिळणार असल्याचा दावा करण्यात आला आहे.

भारताच्या पर्यावरणाला धोका

द प्रिंट रिपोर्टनुसार, पाकिस्तानच्या सिंध प्रांतातील चीनच्या प्रकल्पांमुळे भारताच्या पर्यावरण आणि सुरक्षेला धोका निर्माण झाला आहे. चीन थारपारकरमध्ये कोळसा खाणकाम सुरू करणार आहे. भारताच्या सीमेपासून त्याच्या जागेचे अंतर फक्त 40 किमी आहे. या प्रकल्पासाठी सुमारे 10 लाख झाडे तोडण्यात आली आहेत. तर या भागातील अनेक प्रकारचे प्राणी व वनस्पती नामशेष होण्याच्या मार्गावर आहेत.

CPEC म्हणजे काय?

चीन-पाकिस्तान इकॉनॉमिक कॉरिडॉर ही चीनचे राष्ट्राध्यक्ष शी जिनपिंग यांची महत्त्वाकांक्षी योजना आहे. त्याची सुरुवात 2013 मध्ये झाली होती. यामध्ये पाकिस्तानच्या ग्वादर ते चीनच्या काशगरपर्यंत 50 अब्ज डॉलर्स (सुमारे 3 लाख कोटी रुपये) खर्च करून आर्थिक कॉरिडॉर बनवला जात आहे. या माध्यमातून चीनला अरबी समुद्रात प्रवेश मिळेल. CPEC अंतर्गत चीन रस्ते, बंदर, रेल्वे आणि ऊर्जा प्रकल्पांवर काम करत आहे.

CPEC वर भारताचा आक्षेप का?