डिजिटल ट्विन्समुळे शहरांच्या भविष्यासाठी योग्य नियोजन:रिअल टाइम डेटामुळे वाहतूक-प्रदूषण नियंत्रण करण्यास मदत

येत्या काही दशकांत जगातील बहुतांश लोकसंख्या शहरी भागात राहणार आहे. यूएनच्या मते, २०५० पर्यंत ७०% लोकसंख्या शहरांमध्ये राहील. शहरांच्या विस्ताराचे नियोजन करण्यासाठी घेतलेले निर्णय भविष्यासाठी अत्यंत महत्त्वाचे आहेत. त्यांच्यात कोणतीही चूक होण्यास वाव नसावा. जमिनीवर काम सुरू करण्यापूर्वी संपूर्ण परिस्थिती तपासता आली तर बरे होऊ शकते. या कल्पनेवर सरकार, वास्तुविशारद, डिझाइनर आणि अभियंते जगभरातील शहरांचे डिजिटल ट्विन्स तयार करत आहेत.

शांघाय, न्यूयॉर्क, सिंगापूर, हेलसिंकी या सर्वांचे व्हर्च्युअल मॉडेल बनले आहेत. स्वीडनमधील चेमर्स विद्यापीठाच्या डिजिटल ट्विन सिटी सेंटरचे प्रा. अँडर्स लॅग म्हणतात की, पूर्वी शहरांचे थ्रीडी मॉडेल असायचे. डिजिटल मॉडेलने नवीन शक्यता निर्माण केल्या आहेत. रिअल टाइम डेटा आणि आर्टिफिशियल इंटेलिजन्समुळे शहरे आभासी स्वरूपात अस्तित्वात येत आहेत. याच्या मदतीने पायाभूत सुविधा, बांधकाम आणि वाहतूक, वीज, गॅस यांचा वापर करून आपण अधिक चांगल्या योजना बनवू शकतो. रस्त्यांवर अपघात झाल्याचे निदर्शनास येते तसेच अनेक अपघात टळतात, असे तज्ज्ञांचे म्हणणे आहे. त्यांचा डेटा प्राप्त केल्याने वाहतूक चौक अधिक सुरक्षित करण्यास मदत होऊ शकते.

नेदरलँड्समधील ट्वेंटे विद्यापीठ, डॉ. विले लेटोला म्हणतात की, जर तुम्ही चांगले नियोजन केले तर जोखीम कमी होईल, बांधकामाचा प्रत्यक्ष परिचालन खर्च स्वस्त होईल. डिजिटल ट्विन काम पूर्ण झाल्यानंतर परिणाम आणि त्यांचे फायदे दर्शवू शकतात. स्वीडनमधील गोथेनबर्ग येथे डिजिटल ट्विनच्या मदतीने, रस्त्यांवरील वायू प्रदूषणाच्या पातळीचे निरीक्षण करून मूल्यांकन केले गेले. रस्त्याच्या नकाशावरून डेटा घेतला. मॉडेल डेटा आता स्वायत्त कार, डिलिव्हरी ड्रोन आणि स्मार्ट सेन्सरयुक्त उपकरणांसाठी उपलब्ध आहे.

अधिक अचूक निर्णय २०३० पर्यंत २८० अब्ज डाॅलर वाचवू शकतात
डिजिटल ट्विन्समध्ये गुंतवणुकीचा फायदा मिळत आहे. जागतिक टेक फर्म एबीआय रिसर्चच्या २०२१ च्या अहवालात अंदाज आहे की शहरे २०३० पर्यंत चांगल्या नियोजनासह २८० अब्ज डाॅलर वाचवू शकतात. पीडब्ल्यूसी म्हणते की स्मार्ट सिटी चळवळीचा उद्देश शहरांना शाश्वत राहण्यास मदत करणे हा आहे. यामुळे शहर नियोजकांना अधिक अचूक निर्णय घेण्यास मदत होत आहे. त्याच्या यशासाठी डिजिटल ट्विनला सतत, रिअल-टाइम डेटा फीड करणे आणि डेटा अद्ययावत करणे आवश्यक आहे, जेणेकरून ते भविष्यासाठी अधिक चांगल्या प्रकारे योजना करू शकतील.