स्पेसएक्सचे पहिले सिविलियन मिशन यशस्वी:तीन दिवस अंतराळात राहून परतले चार नॉन-एस्ट्रोनॉट पॅसेंजर; म्हणाले - ही आयुष्यातील बेस्ट राइड

अमेरिकन उद्योजक एलन मस्क यांची कंपनी स्पेसएक्सच्या ड्रॅगन स्पेसक्राफ्टमध्ये अंतराळ सफरीला गेलेले चार सामान्य लोक हे परत आले आहेत. आज सकाळी विमानाने फ्लोरिडा किनाऱ्यापासून अटलांटिक महासागरात लँडिंग केले. हे चार लोक तीन दिवसांपूर्वी इंस्पिरेशन -4 नावाच्या या मोहिमेवर गेले होते.

भारतीय वेळेनुसार सकाळी 5.30 वाजता स्पेसएक्स कॅप्सूल पॅराशूटसह समुद्रात उतरले. त्यावेळी अमेरिकेत संध्याकाळ झाली होती. सूर्यास्ताच्या थोड्या वेळापूर्वी, कॅप्सूल त्याच ठिकाणी उतरले जिथून त्याने तीन दिवसांपूर्वी अंतराळ उड्डाण घेतली होती.

कॅप्सूल समुद्रात उतरल्यानंतर स्पेसएक्सचे मिशन कंट्रोलर म्हणाले - स्पेसएक्सकडून पृथ्वीवर आपले स्वागत आहे. आपल्या मिशनने जगाला दाखवून दिले आहे स्पेस आपल्या सर्वांसाठी आहे.

एलन मस्कने निधी उभारणीसाठी दिले 50 मिलियन डॉलर
एलन मस्कने या मिशनच्या माध्यमातून 200 मिलियन डॉलर गोळा करण्याचे लक्ष्य ठेवले होते. हा निधी सेंट ज्यूड चिल्ड्रन्स रिसर्च हॉस्पिटलला दिला जाणार होता. मिशन पूर्ण होईपर्यंत $ 160 दशलक्ष जमा झाले होते. त्यानंतर एलोन मस्कने त्याच्या वतीने $ 50 दशलक्ष दिले.

कोण होते क्रू मेंबर?