आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • International
  • Spokesperson Of Muslim Personal Law Board Said Unarmed And Poor Society Defeated The Mighty Army, Salute Your Courage

AIMPLB चे तालिबान्यांना समर्थन:मुस्लिम पर्सनल लॉ बोर्डाचे प्रवक्ते म्हणाले - निशस्त्र आणि गरीब समाजाने बलाढ्य सैन्याला पराभूत केले, तुमच्या धैर्याला सलाम

2 महिन्यांपूर्वी
  • कॉपी लिंक

अफगाणिस्तान तालिबान्यांनी काबीज केल्यामुळे संपूर्ण जगाच्या कपाळावर सुरकुत्या आल्या आहेत. सर्वत्र, तालिबानच्या कट्टपंथी प्रथा आणि मानवाधिकारांवर प्रश्न उपस्थित केले जात आहेत. ऑल इंडिया मुस्लिम पर्सनल लॉ बोर्डाचे प्रवक्ता मौलाना सज्जाद नोमानींनी एक व्हिडिओ संदेश जारी केला आहे.

यामध्ये त्यांनी तालिबानने अफगाणिस्तानात राज्य स्थापन केल्याबद्दल अभिनंदन केले आणि म्हटले - गरीब आणि निशस्त्र समाजाने जगातील सर्वात बलाढ्य सैन्याला पराभूत केले, तुमच्या धैर्याला सलाम. वाचा, हिंदुस्थानी धर्मगुरूंनी तालिबानींची कशी स्तुती केली ...

मौलाना सज्जाद नोमानी म्हणाले, 15 ऑगस्ट 2021 हा दिवस इतिहास बनला. अफगाणिस्तानच्या भूमीवर एक निशस्त्र आणि गरीब राष्ट्र, ज्यांच्याकडे ना विज्ञान होते, ना तंत्रज्ञान, ना संपत्ती, ना शस्त्रे, ना संख्या, त्यांनी संपूर्ण जगातील बलाढ्य सैन्याला पराभूत केले आणि काबूलच्या सरकारी महलात प्रवेश केला.

'तालिबानचे अभिनंदन.. तुमच्यापासून दूर बसलेला हा हिंदी मुस्लिम तुम्हाला सलाम करतो, तुमच्या अभिमानाला आणि तुमच्या धैर्याला सलाम करतो. संपूर्ण जगाने हे दृश्य पाहिले आहे की ज्याने तुमचे ऐकले नाही, तुम्ही त्यालाही मिठी मारली, सर्वसाधारणणे जाहीर माफीचे घोषणा केली. जर कोणाला क्षेत्र सोडायचे असेल तर सोडू शकता. महिलांशी गैरवर्तनाची एकही घटना देशभरात उघडकीस आली नाही. या प्रकारचे खोटे आरोप तुमच्यावर बरेच आहेत. धार्मिकदृष्ट्या सुद्धा जबरदस्ती नव्हती. आता बाजार खुले झाले आहेत, मुली शाळेत जाताना दिसतात. मी सर्वांना सलाम-ए-मोहब्बत पाठवतो.'

'तुम्ही अफगाणिस्तानवर नियंत्रण मिळवताच तुम्ही महिलांसाठी प्रशिक्षण सुरू केले, सरकारी कार्यालयेही उघडली. वर्षानुवर्षे त्याग आणि प्रार्थना केल्यानंतर तुम्हाला संधी मिळाली आहे. मी तुम्हाला प्रगतीसाठी शुभेच्छा देतो आणि जगाला दाखवतो की इस्लाम हा न्यायाचा दीन आहे. तुम्ही जगाला दाखवून दिले की इस्लामला प्रत्येक प्रकारे संपूर्ण मानवतेची प्रगती हवी आहे. आता संपूर्ण आशियात शांती, न्याय, समृद्धी आणि प्रगती पसरेल.

उत्तर प्रदेशचे सपा खासदाराने दिला तालिबानला पाठिंबा, गुन्हा दाखल

उत्तर प्रदेशातील संभल समाजवादी पक्षाचे खासदार डॉ. शफीकुर रहमान बर्क यांनी तालिबानची तुलना स्वातंत्र्य सैनिकांशी केली. ते म्हणाले की, ज्याप्रमाणे भारताने ब्रिटिशांपासून स्वातंत्र्यासाठी लढा दिला त्याचप्रमाणे तालिबान अफगाणिस्तानात अमेरिकेपासून स्वातंत्र्यासाठी लढत आहे. तालिबान्यांनी आपला देश मुक्त केला आहे. या वक्तव्यानंतर त्यांच्यावर गुन्हा दाखल करण्यात आला आहे.

बातम्या आणखी आहेत...