आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • International
  • Taliban Afghanistan Kabul LIVE Update; Panjshir News | Kashmir News | Pakistan | US Military Withdrawal | Afghan New Government

तालिबानी राजवट:हेरातमध्ये तालिबानी विरोधी आंदोलनात गोळीबार, 2 जणांचा मृत्यू, 8 जखमी; काबुलमध्ये बंदुकींनाही घाबरले नाहीत लोक

नवी दिल्ली19 दिवसांपूर्वी
  • कॉपी लिंक
  • अमेरिकेने म्हटले - चीन तालिबानशी करार करेल

अफगाणिस्तानची राजधानी काबूल ताब्यात घेतल्यानंतर तीन आठवड्यांनी मंगळवारी संध्याकाळी तालिबान आपल्या सरकारची घोषणा करत होते. दरम्यान, अफगाणिस्तानच्या हेरातमध्ये तालिबानविरोधी निदर्शने सुरू होती. हे थांबवण्यासाठी तालिबान्यांनी गोळीबार केला, ज्यात दोन लोक मरण पावले आणि 8 जखमी झाले. तत्पूर्वी दुपारी काबूलमध्ये काढण्यात येत असलेल्या पाकिस्तानविरोधी रॅलीमध्ये तालिबानने हवेत गोळीबारही केला होता. दिलासा देणारी बाब म्हणजे यामध्ये कोणाचाही मृत्यू झाल्याचे वृत्त नव्हते. मात्र येथे अशी फोटोज समोर आले आहेत, ज्यामध्ये आंदोलकांच्या दिशेने तालिबान्यांनी बंदूकांचा निशाणा लावला आहे, मात्र लोक घाबरण्याऐवजी दहशतवाद्यांच्या डोळ्यात डोळे घालताना दिसून आले.

अमेरिकेने म्हटले - चीन तालिबानशी करार करेल
तालिबानने सरकारची घोषणा केल्यानंतर अमेरिकेचे अध्यक्ष जो बिडेन यांनी चीनला लक्ष्य केले आहे. बायडेन यांनी म्हटले आहे की चीनला तालिबानशी खरी समस्या आहे, त्यामुळे तो तालिबानशी काही सौदा करण्याचा प्रयत्न करेल, हे आम्हाला चांगले माहित आहे. पाकिस्तान, रशिया आणि इराणनेही असेच केले आहे आणि हे सर्व देश आता पुढे काय करायचे यात गुंतले आहेत. बायडेन यांनी म्हटले आहे की आता पुढे काय होते हे पाहणे महत्त्वाचे ठरणार आहे.

बायडेन यांनी आधीच सांगितले आहे की तालिबानला मान्यता देणे सध्या दूरची गोष्ट आहे. दुसरीकडे, संयुक्त राष्ट्रातील अमेरिकेच्या माजी राजदूत निक्की हेली यांनीही एक ऑनलाइन याचिका सुरू केली आहे, ज्यात त्यांनी अमेरिकेला तालिबानी सरकारला मान्यता देऊ नये असे आवाहन केले आहे. त्याचबरोबर त्यांनी म्हटले आहे की, अफगाणिस्तानचे नवे गृहमंत्री हे दहशतवादी आहेत आणि त्यांचा एफबीआयच्या मोस्ट वॉन्टेड यादीत समावेश आहे.

तालिबान सरकारमध्ये मुल्ला मोहम्मद हसन अखुंड यांना मंत्रिमंडळाचे प्रमुख बनवण्यात आले आहे, म्हणजेच नवीन सरकारचे प्रमुख. सरकारचे नाव 'इस्लामिक अमीरात ऑफ अफगानिस्तान' असेल. तालिबानचे प्रमुख शेख हिबदुल्ला अखुंदजादा सुप्रीम लीडर असतील. त्यांना अमीर-उल-अफगाणिस्तान म्हटले जाईल.

बातम्या आणखी आहेत...