आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

तालिबानने पाक सैनिकाचा केला शिरच्छेद:हत्येनंतर सैनिकाचा मृतदेह झाडाला लटकावला

2 महिन्यांपूर्वी
  • कॉपी लिंक

पाकिस्तान सरकार आणि TTP (तेहरिक-ए-तालिबान पाकिस्तान) यांच्यातील युद्धविराम संपल्याचा परिणाम दिसून येत आहे. मीडिया रिपोर्ट्सनुसार, अफगाणिस्तानच्या सीमेला लागून असलेल्या खैबर पख्तूनख्वामध्ये टीटीपीने एका पाकिस्तानी सैनिकाची हत्या केली. यानंतर त्याचा मृतदेह झाडाला लटकवण्यात आला. मृतदेहासोबत धमकीचे पत्रही जोडले होते. यामध्ये मृतांच्या अंत्यसंस्कारात कोणीही सहभागी होऊ नये, अन्यथा परिणाम वाईट होतील, असे स्थानिकांना सांगण्यात आले.

लष्कर आणि सरकारने मौन बाळगले
रहमान जमान असे मारल्या गेलेल्या पाकिस्तानी सैनिकाचे नाव आहे. अफगाण पत्रकार सुहैब झुबेरी यांनी सोशल मीडियावर तालिबानच्या क्रूरतेची माहिती दिली आहे. इतरही काही लोकांनी याबाबत सोशल मीडियावरच माहिती दिली आहे. आश्‍चर्याची बाब म्हणजे या संदर्भात पाकिस्तानी लष्कर किंवा सरकारकडून अद्याप कोणतेही वक्तव्य जारी करण्यात आलेले नाही.

सुहैबच्या म्हणण्यानुसार, बन्नू जिल्ह्यातील जानीखेल भागात शिपाई रहमानचा शिरच्छेद करण्याची घटना घडली. त्यानंतर त्याचे डोके बाजारातील झाडाला लटकवण्यात आले. मृतदेहासोबत स्थानिक पश्तो भाषेत लिहिलेले पत्र होते. जवानाच्या अंत्यसंस्काराला कोणीही उपस्थित राहू नये, अन्यथा परिणाम वाईट होईल असे लिहिले होते.

मलाला युसूफझाईचे वडील झियाउद्दीन यांनी हा फोटो शेअर केला आहे. झियाच्या म्हणण्यानुसार तालिबानने या मुलीच्या वडील आणि भावाची हत्या केली.
मलाला युसूफझाईचे वडील झियाउद्दीन यांनी हा फोटो शेअर केला आहे. झियाच्या म्हणण्यानुसार तालिबानने या मुलीच्या वडील आणि भावाची हत्या केली.

मलालाचे वडील म्हणाले - एका कुटुंबाचीही हत्या केली
नोबेल शांतता पुरस्कार विजेती पाकिस्तानी कार्यकर्त्या मलाला युसूफझाईचे वडील झियाउद्दीन यांनी त्यांच्या सोशल मीडिया अकाउंटवर याच भागातील आणखी एका घटनेची माहिती दिली आहे.

झियाउद्दीनच्या म्हणण्यानुसार- TTP दहशतवादी सोमवारी रात्री उशिरा बन्नू जिल्ह्यातील जानीखेल भागात एका घरात घुसले. येथे त्यांनी रहमानउल्ला आणि त्याचा मुलगा शाहिद यांची गोळ्या झाडून हत्या केली. रहमानउल्लाचा मृतदेहही झाडाला लटकवण्यात आला होता. या कुटुंबात फक्त 10 वर्षांची मुलगी उरली आहे. झियाउद्दीनने तिचा फोटोही शेअर केला आहे.

बातम्या आणखी आहेत...