आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • International
  • The Belief That 'man Changes When He Gets Money' Is Wrong; Basically, As A Person Is Inside, Prosperity Comes Out In The Same Form

अभ्यासातून निघालेले निष्कर्ष:‘पैसा आला की माणूस बदलतो’ हा समजच चुकीचा; माणूस जसा आतून असतो, त्याच रूपात समृद्धी येेते

हाँगकाँग5 दिवसांपूर्वी
  • कॉपी लिंक

चार पैसे काय आले, हे लोक बदलून गेले... कुणी संकटात असताना किंवा टोमणे मारताना असे तुम्ही अनेकदा ऐकले असेल; परंतु विविध क्षेत्रांतील अनेक तज्ज्ञांच्या अभ्यासातून असे दिसून येते की पैशाने व्यक्ती बदलत नाही. उलट श्रीमंत झाल्यावर माणसाचे तेच रूप बाहेर येते, जसे ते आतून वास्तवात असते. किंवा असे म्हणता येईल की अचानक संपत्तीमुळे व्यक्तिमत्त्वाचे ते पैलू उदयास येतात, जे सामान्य स्थितीत पुरून उरतात. तथापि, एखाद्या व्यक्तीचे हे दडपलेले स्वरूप चांगले आणि नकारात्मकही असू शकते. जसा राग, लोभ, अभिमान किंवा फसवणूक, हिंसेची भावना त्याच्यात भरलेली असते. अशा लोकांना संपत्ती मिळाल्यानंतर या भावनांना सांभाळता येत नाही. ते अतिआत्मविश्वासाने भरलेले असतात. नताशा नॉक्स ४०० कोटी रुपयांपेक्षा जास्त मालमत्ता असलेल्या व्यक्तींसाठी आर्थिक नियोजन करते. ती म्हणते, जर तुमच्यात भीती असेल तर संपत्ती आली की त्रास देण्याइतपत वाढते.

त्याच वेळी, कोलंबिया बिझनेस स्कूलमधील व्यवसायाच्या सहयोगी प्राध्यापिक सँड्रा मॅडगे म्हणतात की, जेव्हा जेव्हा एखादी कामगिरी साध्य होते वा एखादे ध्येय पूर्ण होते तेव्हा आपल्या व्यक्तिमत्त्वाला एक प्रकारचा धक्का जाणवतो. ती उदाहरणासह स्पष्ट करते की, एका ड्रायव्हरला अचानक कोटी रुपये मिळाले की तो अचानक त्याच्या मित्र, नातेवाइकांसाठी महत्त्वाचा होईल. त्याची प्रतिष्ठा वाढेल. हे सर्व त्याच्या व्यक्तिमत्त्वाचे आकर्षण आहे असे त्याला वाटेल. त्याचा स्वभाव बदलू लागेल. यामुळेच सर्व अब्जाधीशांच्या वेड्यावाकड्या कारवाया चव्हाट्यावर आल्या आहेत. वास्तविक हा त्यांचा मूळ स्वभाव आहे. वॉक अँड टॉक थेरपीचे संस्थापक मानसशास्त्रज्ञ क्ले कॉकरेल यांनी अनेक अब्जाधीश आणि त्यांच्या कुटुंबीयांवर उपचार केले आहेत. ती म्हणते, काही लोक संपत्ती येताच संपण्याच्या भीतीने जगू लागतात. अनेक उद्योगपतींनी या संपत्तीसाठी दीर्घकाळ मेहनत केली आणि ती मिळाल्यावर काय करावे हे समजत नव्हते. ते खूप घाबरले होते. अफाट संपत्ती बऱ्याचदा घाबरवून टाकते. जो माणूस हळूहळू श्रीमंत होतो तो सहसा संतुलित असतो कॉकरेल म्हणतात, हळूहळू माणसाला संपत्ती कमावण्याची सवय होते. तो पैसा आणि स्वतःला हाताळायला शिकतो, पण अचानक संपत्तीचा दबाव इतका असतो की कधी कधी माणूस डिप्रेशनमध्ये जातो. निराशेत गेल्यामुळे तो समाजापासून तुटायला लागतो, त्याला एकटेपणा आवडतो. एकाकीपणाची आवड निर्माण होऊन तो वेगळा राहायला लागतो.

बातम्या आणखी आहेत...