भारतानंतर आता अमेरिकेतही चायनीज अ‍ॅप बॅन होऊ शकतात. अमेरिकेचे पररराष्ट्र मंत्री माइक पॉम्पिओ यांनी याचे संकेत दिले आहेत. सोमवारी एका मुलाखतीमध्ये सांगितले की, टिकटॉकसहित चीनच्या इतर सोशल मीडिया अ‍ॅपवर बंदी घालण्याचा विचार सुरु आहे.

चीनशी वाढत्या तणावादरम्यान भारत सरकारने 29 जूनपासून टिकटाॅकसहित 59 चायनीज अ‍ॅपवर बंदी घातली आहे. सरकार म्हणाले, या अ‍ॅप्सद्वारे युजर्सची माहिती गोळा केली जात आहे. ती राष्ट्रीय सुरक्षा, सार्वभौमत्व व अखंडतेसाठी धोकादायक आहे. भारताचा हा निर्णय योग्य असल्याचे माइक पॉम्पिओ यांनी सांगितले होते.

चीनच्या बाहेर अमेरिका टिकटॉकचा सर्वात मोठा दुसरा बाजार आहे. येथे टिकटॉकचे 4.54 कोटी युजर आहेत. भारतामध्ये 20 कोटी युजर होते आणि चीनच्या बाहेर हे सर्वात मोठे मार्केट होते.

0