ब्रिटनच्या बकिंगहॅम पॅलेसमध्ये वर्णद्वेष:राजघराण्यातील सदस्याने दिला राजीनामा; प्रिन्स हॅरींची पत्नी मेगन मर्केल यांनी आरोप केल्याचा दावा

ब्रिटनच्या बकिंगहॅम पॅलेसमधील एका महत्त्वाच्या सदस्याला वर्णद्वेषावरून वक्तव्य केल्याने राजीनामा द्यावा लागला आहे. माध्यमांच्या अहवालानुसार सांगितले जात आहे की, वर्णद्वेष करणाऱ्या व्यक्ती या प्रिन्स विल्यम यांची गॉडमदर आहे. मुळात, त्यांच्यावर आरोप केला गेला आहे की, त्यांनी एका कृष्णवर्णीय महिलेला विचारले की, ती आफ्रिकेच्या कोणत्या भागातून आली आहे.

तर त्या महिलेने यापूर्वी देखील अनेकदा सांगितले की, ती ब्रिटनची नागरिक आहे. तरी देखील पॅलेसमधील त्या व्यक्तीने वारंवार दुसऱ्या महिलेला विचारून तिच्यावर वारंवार दबाव टाकून तू आफ्रिकेतून कोठून आली आहेस, असे विचारले? या घटनेमुळे संबंधित महिलेने राजघराण्यावर वर्णद्वेषाचा आरोप केला आहे.

दरम्यान, ही घटना ब्रिटनची राणी कॅमिला यांच्या कार्यक्रमात घडली आहे. जो कार्यक्रम प्रामुख्याने कौटुंबिक हिंसाचाराने पीडित महिलांबाबत केला जात होता. त्याच कार्यक्रमात एका महिलेला हा प्रश्न विचारला गेला. त्यामुळे एनगोजी फुलानी नावाच्या महिलेने राजघराण्यातील एका महिलेवर वर्णद्वेषाचा आरोप केला. फुलानी या कौटुंबिक हिंसाचाराने पीडित महिलांसाठी धर्मादाय संस्थेत काम करतात. त्यांचा जन्म ब्रिटनमध्येच झाला होता.

पॅलेसकडून दिलगीरी व्यक्त करण्यात आली बकिंगहॅम पॅलेसच्या सदस्याच्या टिप्पण्यांनंतर राजवाड्याच्या प्रवक्त्याकडून एक निवेदन जारी करण्यात आले आहे. यामध्ये या प्रकरणाची चौकशी करण्यात येणार असल्याचे सांगण्यात आले आहे. अशी प्रकरणे त्यांना अजिबात मान्य करता येणार नसल्याचे त्यांनी सांगितले. अशा टिप्पणीवरून आम्ही खंत व्यक्त केली आहे. त्यांनी वर्णद्वेषी टिप्पणी करणार्‍या व्यक्तीचे नाव या निवेदनात घेतले नाही. परंतु असे म्हटले की, सदस्याने माफी मागण्याची इच्छा व्यक्त केली आणि आपल्या टिप्पणीमुळे कोणालाही दुखापत झाली आहे.

वर्णद्वेषी टिका करणाऱ्या प्रिन्स विल्यमची गॉडमदर ?

वर्णद्वेष करणाऱ्या व्यक्तीचे नाव ना पॅलेसच्या प्रवक्त्याने घेतले. ना आरोप करणाऱ्या महिला फुलानी यांनीही सांगितले नाही. मात्र, यूकेतील माध्यमांच्या अहवालानुसार, वर्णद्वेष केल्याचा आरोप प्रिन्स विल्यमची 83 वर्षीय गॉडमदर लेडी सुझान हसी यांनी केला, असा दावा केला जात आहे. किंग चार्ल्सचा मुलगा प्रिन्स विल्यम यांच्या प्रवक्त्यानेही या संपूर्ण घटनेवर वक्तव्य केले आहे. ते म्हणाले की, घटनेच्या वेळी ते उपस्थित नव्हते, परंतु अशा प्रकारच्या टिप्पण्या कोणत्याही परिस्थितीत मान्य नाहीत.

मेगन मर्केल यांनीही वर्णद्वेषाचे आरोप केले

बकिंगहॅम पॅलेसमध्ये वर्णद्वेषाची ही पहिलीच घटना नाही. किंग चार्ल्सचा धाकटा मुलगा प्रिन्स हॅरीची पत्नी मेघन मार्कलने देखील आरोप केला की तिच्यावर राजवाड्यात वर्णद्वेषी टीका करण्यात आली. मेगनने सांगितले होते की, तिच्या गरोदरपणात राजवाड्यातील कर्मचाऱ्यांनी तिच्या मुलाच्या रंगावर प्रश्नचिन्ह उपस्थित केले होते.