आपल्या शहरातील ताज्या बातम्या आणि ई-पेपर मिळवा मोफत

Marathi News
International
Us Financial Crisis Situation Joe Biden House Speaker Mccarthy

संकटाची चाहूल:अमेरिकेच्या दिवाळखोरीचा धोका वाढला, बायडेन आणि हाऊस स्पीकरची चर्चा निष्फळ, 10 दिवसांत काढावा लागेल तोडगा

वॉशिंग्टन16 दिवसांपूर्वी

कॉपी लिंक

संसदेकडून कर्ज मंजूर करण्याचा प्रयत्न करणारे राष्ट्राध्यक्ष जो बायडेन यांचा आणखी एक प्रयत्न फसला आहे. सोमवारी रात्री हाऊस स्पीकर केविन मॅककार्थी यांच्याशी बायडेनने दीर्घ चर्चा केली, परंतु या समस्येचे निराकरण होऊ शकले नाही.

'वॉशिंग्टन पोस्ट'च्या वृत्तानुसार -बायडेन प्रशासनाकडे आता फक्त 10 दिवसांचा अवधी आहे. यादरम्यान, त्यांना रिपब्लिकन पक्षाला कर्ज मर्यादेसाठी (सोप्या भाषेत नवीन कर्जासाठी बिल पास करणे) मंजूरी मिळविण्यासाठी राजी करावे लागेल. असे न झाल्यास सरकार कोणतीही नवीन देयके देऊ शकणार नाही. तांत्रिकदृष्ट्या याला दिवाळखोरी किंवा डिफॉल्टर म्हणावे लागेल.

शेअर बाजारावर परिणाम

अहवालानुसार - डेमोक्रॅट आणि रिपब्लिकन यांच्यातील राजकीय भांडणाचा परिणाम अमेरिकन शेअर बाजारावरही होऊ शकतो. असे अनेक प्रश्न गुंतवणूकदारांच्या मनात निर्माण होत आहेत. रोखीचा प्रवाह कमी होण्याचा धोकादेखील आहे.
बायडेन आणि मॅककार्थी यांच्यातील संभाषणात काही निष्कर्षापर्यंत पोहोचले नसले तरी ही समस्या वेळीच सोडवली जाईल, असे दोघेही माध्यमांसमोर सांगत राहिले.
असाच विश्वास 'यूएस टुडे'च्या अहवालात व्यक्त करण्यात आला आहे. त्यात म्हटले आहे - मे महिन्याच्या शेवटच्या आठवड्यात किंवा जूनच्या सुरुवातीला सर्व आर्थिक बाबी निवळतील आणि अमेरिकन अर्थव्यवस्था पुन्हा रुळावर येण्याची शक्यता आहे. याचे प्रमुख कारण म्हणजे चीन आणि रशियाचे आव्हान.

बायडेन प्रशासनाची अडचण

राष्ट्राध्यक्ष बायडेन यांनी 2024ची अध्यक्षीय निवडणूक लढवण्याची घोषणा केली आहे. अखेर, हे त्यांच्यासाठी निवडणुकीचे वर्ष आहे. त्यांच्यासमोर दोन मोठी आव्हाने आहेत. प्रथम- राजकीय नफा-तोटा पाहिला पाहिजे. दुसरे- अमेरिकन अर्थव्यवस्था मजबूत झाली पाहिजे.
कर संकलनाशी संबंधित कायद्यांमध्ये सुधारणा करण्याची गरज असल्याचे बायडेन सांगत आहेत. त्यांन श्रीमंतांवर कराचा बोजा वाढवायचा आहे, पण त्यांची खेळी राजकीयदृष्ट्या जड जाऊ शकते. डेमोक्रॅट्स हा परंपरागतपणे श्रीमंतांचा पक्ष मानला जात नाही. याचा फायदा डोनाल्ड ट्रम्प यांचा रिपब्लिकन पक्ष घेऊ शकतो. बायडेन यांच्या चीनबाबतच्या धोरणाबाबत रिपब्लिकनांमध्येही असाच राग आहे.
तथापि, या गतिरोधकाच्या दरम्यान, सभागृहाचे अध्यक्ष मॅककार्थी म्हणाले - मी आणि अध्यक्ष दररोज बोलत आहोत. आशा आहे की लवकरच चांगली बातमी येईल. मात्र, आपण सरकारला दिलासा देण्यास तयार आहोत की नाही हे मॅकार्थी यांनी सांगितले नाही.

ही परिस्थिती का ओढवली?

ही बाब थेट उत्पन्न आणि खर्चाच्या संतुलनाशी संबंधित आहे. खरं तर, तुमच्या घरात उत्पन्न कमी आणि खर्च जास्त असेल तर काय होईल? अशा परिस्थितीत, तुम्ही खर्चात कपात करून बचत करण्याचा प्रयत्न करता, परंतु जर खर्च खूप महत्त्वाचा असेल, तर तुम्ही कर्ज घेऊन त्याची भरपाई करता.
हे अमेरिकेत 50-60 वर्षांपासून होत आहे. यूएस सरकार कर इत्यादींमधून कमाईपेक्षा जास्त खर्च करत आहे. हा खर्च भागवण्यासाठी प्रत्येक वेळी अमेरिकन सरकार आपल्या वर्चस्वामुळे जगभरातून कर्ज घेत आहे.
कोषागार विभाग उत्पन्न आणि खर्चाचा हिशेब पाहतो. हाच कोषागार विभाग इतर देशांकडून किंवा कंपन्यांकडून बाँडद्वारे कर्ज घेतो. हा एक प्रकारचा दस्तऐवज आहे. यामध्ये कर्जदाराला त्याची वेळेवर परतफेड करण्याचे आश्वासन दिले जाते.

सोप्या भाषेत समजून घ्या

समजा एखाद्या कंपनीने 1000 चे बॉंड अमेरिकेतून 10 वर्षांसाठी 10% व्याजदराने विकत घेतले. आता त्या कंपनीला अमेरिकेतून दरवर्षी 100 रुपये व्याज मिळणार आहे. कंपनीला पुढील 10 वर्षांसाठी हे व्याज मिळेल. 10 वर्षांनंतर तुम्ही हा बाँड 1000 ला विकू शकता आणि ती कंपनी त्याचे पैसे परत मिळवू शकते.
अमेरिकेवरील विश्वासामुळे जगभरातील गुंतवणूकदार अमेरिकन रोखे खरेदी करण्यास आणि त्यांना कर्ज देण्यास मागे हटत नाहीत. अमेरिकन सरकारने जास्त कर्ज घेऊ नये म्हणून 1917 मध्ये कायदा करण्यात आला. या अंतर्गत कर्ज उभारणीसाठी एक निश्चित मर्यादा आहे. अमेरिकेने ती मर्यादा ओलांडली आहे. अशा परिस्थितीत ही मर्यादा वाढवल्याशिवाय अमेरिकन सरकार कर्ज घेऊ शकत नाही.
यापूर्वीही असे घडले आहे, परंतु जेव्हा जेव्हा अमेरिकेसमोर असे संकट येते तेव्हा सरकार अमेरिकन संसदेत म्हणजे कॉंग्रेसमध्ये ठराव मंजूर करून ही मर्यादा वाढवते. अमेरिकन संसदेने 1960 पासून ही मर्यादा 78 वेळा वाढवली आहे.
बायडेन यांनाही तेच करायचे आहे, पण वरच्या सभागृहात बायडेन यांना बहुमत नाही. हा प्रस्ताव मंजूर करण्यासाठी त्याला विरोधी पक्षांची मदत लागणार आहे.

अ‍ॅप उघडा

ऑस्ट्रेलिया327-3 (85.0)

भारत

दिवसाचा खेळ समाप्त

कॉपी लिंक

Our Divisions

This website follows the DNPA Code of Ethics.

फीडबॅक द्या