US च्या राष्ट्राध्यक्षांना कर्करोग, शस्त्रक्रिया झाली:बायडेन यांच्या छातीतून स्किन कॅन्सरच्या काढल्या उती; डॉक्टर म्हणाले- प्रेसिंडेट आता तंदुरूस्त

अमेरिकेचे राष्ट्राध्यक्ष जो बायडेन यांना त्वचेचा कर्करोग झाला होता. व्हाईट हाऊसचे डॉक्टर केविन ओ'कॉनर म्हणाले की- बायडेन यांच्या छातीच्या त्वचेवर जखम झाली होती. फेब्रुवारी महिन्यात झालेल्या शस्त्रक्रियेत जखम असलेली त्वचा काढण्यात आली आहे. त्याची तपासणी करण्यासाठी पाठविण्यात आले होते. ज्यात ही जखम बेसल सेल कार्सिनोमाची असल्याचे उघड झाले. जो त्वचेच्या कर्करोगाचा एक सामान्य प्रकार आहे.

डॉक्टर ओ'कॉनर यांनी सांगितले की, शस्त्रक्रियेदरम्यान कर्करोग पसरवणाऱ्या सर्व ऊती पेशी काढून टाकण्यात आल्या आहेत. तर उपचारानंतर बायडेन आता पूर्णपणे बरे झाले आहेत. त्यांना पुढील उपचाराची गरज नाही. तर त्यांना आता कोणत्याही उपचाराची गरज नसली तरी त्यांच्या प्रकृतीवर लक्ष ठेवले जात आहे. कारण त्यांना कोणत्याही अडचणींचा सामना कऱण्याची गरज नाही.

16 फेब्रुवारीच्या रिपोर्टमध्ये बायडेन यांची प्रकृती फीट
16 फेब्रुवारी रोजी झालेल्या हेल्थ चेकअपमध्ये डॉ. ओ'कॉनर यांनी 80 वर्षीय बायडेन पूर्णपणे तंदुरूस्त असल्याचे घोषित केले. ते म्हणाले की, बायडेन पूर्णपणे निरोगी आहेत. ते त्यांच्या अध्यक्ष म्हणून असलेल्या कामगिरी पाडण्यास योग्य आहेत.

बायडेन यांच्या पत्नी आणि मुलालाही कर्करोग झाला होता
जो बायडेन यांच्या पत्नी आणि अमेरिकेच्या फर्स्ट लेडी जिल बायडेन यांनाही स्किन कॅन्सर झाला होता. जानेवारीत त्यांच्यावर शस्त्रक्रियाही झाली होती. 71 वर्षीय जिल यांच्या एका डोळ्याच्या वर आणि छातीवर जखम असलेली त्वचा काढण्यात आली. त्याचवेळी बायडेन यांच्या मुलगा ब्यू यांना देखील मेंदूचा कर्करोग झाला होता. 2015 मध्ये त्यांचे निधन झाले. तेव्हापासून जो बायडेन त्यांच्या प्रकृतीबाबत अधिक सतर्क झाले आहेत.

बायडेन हे डिमेंशियाचेही रुग्ण आहेत
जो बायडेन यांना वृद्धापकाळातील आजारांनी घेरले आहे. काही माध्यमांच्या अहवालानुसार, त्यांना डिमेंशियाचा रुग्ण असल्याचे सांगण्यात आले. बायडेन यांना 1988 मध्ये 'ब्रेन एन्युरिझम' देखील झाला होता, ज्यासाठी त्यांच्यावर उपचार करण्यात आले होते. ते पुन्हा घडण्याची फक्त 20% शक्यता आहे. बायडेन यांनी त्यांचे पित्त मुत्राशय देखील काढून टाकले आहे. अमेरिकन फेडरेशन फॉर एजिंग रिसर्चच्या एका शैक्षणिक पेपरनुसार, बायडेन अध्यक्ष म्हणून आपला पहिला कार्यकाळ पूर्ण करण्यासाठी जगण्याची 79% शक्यता आहे.

कुठे मिळाली संकेत