अमेरिकेने नष्ट केला चिनी स्पाय बलून:समुद्रातील मलबा हटवण्याचे काम सुरू, आम्ही कोणत्याही देशाच्या सीमेचे उल्लंघन केले नाही : चीन

अमेरिकेत दिसणारा हेरगिरीचा बलून लष्कराने नष्ट केला. राष्ट्राध्यक्ष जो बायडेन यांच्या आदेशानंतर ही कारवाई करण्यात आली. बलूनचा ढिगारा समुद्रात पडेल, सर्वसामान्यांचे नुकसान होऊ नये, अशा पद्धतीने लष्कराने नियोजन केले होते. बलूनचा ढिगारा समुद्रातून हटवण्याचे काम सुरू करण्यात आले आहे.

3 फेब्रुवारी रोजी पेंटागॉनचे ब्रिगेडियर जनरल पॅट रायडर म्हणाले होते- आम्हाला लॅटिन अमेरिकेतून आणखी एक बलून येत असल्याच्या बातम्या येत आहेत. आमचा अंदाज आहे की, हा आणखी एक हेरगिरीचा बलून आहे, तो देखील चीनचा. यानंतर, चीनच्या परराष्ट्र मंत्रालयाने एक विधान जारी केले होते की - चीनने कधीही कोणत्याही देशाच्या सीमेचे किंवा हवाई क्षेत्राचे उल्लंघन केले नाही. काही अमेरिकन नेते आणि मीडिया या घटनेच्या आडून चीनची प्रतिमा डागाळण्याचा प्रयत्न करत आहेत. हे प्रकरण शांततेने सोडवले पाहिजे.

लष्कराचा दावा - चीनने हेरगिरीसाठी बलून पाठवले
सुरुवातीला 28 जानेवारीला हा बलून यूएस एअरपोर्ट झोनमध्ये प्रवेश करताना दिसला होता. यानंतर तो मोटांना परिसरात उडताना आढळून आला. हे अमेरिकेचे आण्विक क्षेपणास्त्र क्षेत्र आहे. हे बलून हेरगिरी करत असल्याचा लष्कराला संशय होता. येथील माहिती चीनला पाठवली जात आहे. या कारणास्तव त्याच्यावर नजर ठेवण्यात आली होती.

बलूनचा आकार 3 बसएवढा
अमेरिकन अधिकाऱ्यांनी अजूनही सांगितले नाही की चीनचे बलून किती मोठे आहे. तथापि, याचा शोध घेण्यासाठी सैन्याने आपले 2 एफ-22 फायटर जेट पाठवले. यानंतर एबीसी न्यूजला एका अधिकाऱ्याने सांगितले की हा बलून तीन बसएवढा मोठा आहे.

स्पाय बलूनमुळे चीन-अमेरिकेचे संबंध बिघडले
अमेरिकेच्या आकाशात चीनचे हेरगिरी बलून आल्याने दोन्ही देशांत राजनयिक संकट निर्माण झाले आहे. मीडिया रिपोर्टनुसार, अमेरिकेचे परराष्ट्र मंत्री अँथनी ब्लिंकन यांनी चीन दौरा रद्द केला आहे. ते रविवारपासून दोन दिवसांच्या चीन दौऱ्यावर जाणार होते.

तिकडे, चीनने आपल्या विधानात म्हटले आहे की अमेरिका ज्याला गुप्त माहिती गोळा करणारा बलून म्हणत आहे ते केवळ एक नागरी एअरशिप आहे, जे आपल्या नियोजित मार्गावरून भरकटले आहे. याचा वापर केवळ हवामानाची माहिती गोळा करण्यासाठी होतो.

याच्या प्रत्युत्तरात अमेरिकेच्या अधिकाऱ्यांनी म्हटले - जर हे नागरी बलून आहे तर ते 6 हजार किलोमीटर दूर मोंटानापर्यंत कसे आणि का पोहोचले. पेंटागॉनने म्हटले - हे अमेरिकेत हेरगिरीसाठी पाठवण्यात आले होते.

उपग्रहाद्वारे हेरगिरी
सीआयएचे माजी अधिकारी मायकल पी मुलरोंचे म्हणणे आहे की बलून असे काही करण्यास सक्षम नाही, जे दुसरी कोणतीही साधने जसे की उपग्रह आधीपासूनच देत नाही. दोघांकडे अनेक उपग्रह आहेत, जे आधीपासूनच पूर्ण माहिती गोळा करत आहेत.

सेंटर फॉर स्ट्रॅटेजिक अँड इंटरनॅशनल स्टडिजनुसार 2000 नंतर अमेरिकेत चीनकडून हेरगिरीच्या 160 घटना समोर आल्या आहेत. चीनने मोबाईल टॉवर्सवर हुवावेची हेरगिरी उपकरणे लावल्याचा कट रचला होता. ग्रामीण भागांना निशाणा बनवताना आपली उपकरणे लावली होती. ते सैन्य ठिकाणांकडे आल्यावर गुप्तचर संस्थांनी कारवाई केली.

अमेरिकाही करत आहे चीनची घेराबंदी
अमेरिकेच्या संरक्षण विभागाने गुरूवारीच फिलिपिन्समध्ये सैन्य तळ वाढवण्याचा निर्णय घेतला. संरक्षण तज्ज्ञांचे म्हणणे आहे की, चीनी सैन्याला घेरणे आणि तैवानवर हल्ल्याच्या स्थितीत कारवाईसाठी हे गरजेचे आहे. यापूर्वी अमेरिकेसह जगात चीनने अशी ठिकाणे बनवली आहेत, जी आपल्या नागरिकांची हेरगिरी करत आहे.