पुतिन यांच्या घरावर ड्रोन हल्ल्याचा प्रयत्न:रशियाने म्हटले- हा युक्रेनचा दहशतवादी हल्ला, पुतिन यांना मारण्याचा कट

रशियाचे राष्ट्रपती व्लादिमीर पुतिन यांच्या घरावर युक्रेनकडून ड्रोन हल्ल्याचा प्रयत्न करण्यात आल्याचा आरोप युरोपने केला आहे. याविषयी जास्त माहिती मिळालेली नाही. तथापि, माध्यमांतील वृत्तांत रशियन सरकारच्या हवाल्याने दावा करण्यात आला आहे की, पुतिन सुरक्षित आहेत आणि त्यांचे काम करत आहेत. त्यांच्या कामाच्या वेळापत्रकात कसलाही बदल करण्यात आलेला नाही.

क्रेमलिनला लक्ष्य केले

पुतिन यांच्याकडे वैयक्तिक माध्यम विभाग आहे. त्याला प्रेसिडेंट प्रेस सर्व्हिस म्हणतात. याच्या एका निवेदनानुसार, मंगळवार आणि बुधवारी मध्यरात्री क्रेमलिनवर ड्रोनने हल्ला करण्यात आला. यामध्ये राष्ट्रपतींचे कोणतेही नुकसान झाले नाही. पुतिन पूर्णपणे सुरक्षित आहेत आणि त्यांच्या कामाच्या वेळापत्रकातही कोणताही बदल झालेला नाही. आम्ही याला दहशतवादी हल्ला मानत आहोत.

पुतिन यांचे प्रवक्ते दिमित्री पेस्कोव्ह म्हणाले - हल्ला झाला तेव्हा पुतिन क्रेमलिनमध्ये उपस्थित नव्हते. हल्ल्यात ड्रोनचा वापर करण्यात आला. सध्या राष्ट्रपती त्यांच्या मॉस्को येथील शासकीय निवासस्थानी उपस्थित असून तेथून ते काम करत आहेत.

परेड वेळेवर होईल

रशियामध्ये दरवर्षी 9 मे रोजी विजय दिवस परेड होते. पेस्कोव्ह म्हणाले - आम्ही अशा कृत्यांना घाबरणार नाही. आम्ही हे स्पष्ट करू इच्छितो की विजय दिन परेड देखील वेळापत्रकानुसार आयोजित केली जाईल.

या हल्ल्याच्या काही दिवसांपूर्वी रशियाने पुतीन यांच्यावर हायटेक ड्रोनने हल्ला केला जाऊ शकतो अशी भीती व्यक्त केली होती. सध्या समोर येत असलेल्या माहितीनुसार - क्रेमलिनवर हल्ला करण्यासाठी 2 ड्रोन वापरण्यात आले होते. रशियाने त्यांच्या रडार आणि ट्रॅकिंग सिस्टीमने त्यांचा शोध घेतला. आता रशिया याला आपल्या शैलीत उत्तर देईल.

रशियाने म्हटले- आम्ही याकडे नियोजित दहशतवादी हल्ला म्हणून पाहत आहोत. त्याला योग्य उत्तर दिले जाईल.