आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

जगाला मिळाली मलेरियाची लस:WHO ने मलेरियाच्या पहिल्या लसीला दिली मंजूरी, आफ्रिकन देशांपासून होणार सुरुवात; भारतात प्रत्येक वर्षी 3 लाखांपेक्षा जास्त प्रकरणे येत आहेत

वॉशिंग्टन10 दिवसांपूर्वी
  • कॉपी लिंक
  • भारतात दरवर्षी मलेरियाचे 3 लाखांहून अधिक रुग्ण

जागतिक आरोग्य संघटनेने (WHO) जगातील पहिली मलेरिया लस RTS, S/AS01 ला मान्यता दिली आहे. त्याची सुरुवात मलेरियामुळे सर्वाधिक प्रभावित असलेल्या आफ्रिकन देशांपासून होईल. यानंतर, डब्ल्यूएचओचा फोकस जगभरात मलेरियाची लस बनवण्याच्या निधीच्या व्यवस्थेवर असेल, जेणेकरून ही लस प्रत्येक गरजू देशापर्यंत पोहोचेल.

यानंतर, संबंधित देशांची सरकारे मलेरिया नियंत्रित करण्याच्या उपायांमध्ये लसीचा समावेश करायचा की नाही हे ठरवतील. डब्ल्यूएचओने म्हटले आहे की या मलेरियामुळे सर्वाधिक प्रभावित देशांसाठी ही लस मोठी आशा घेऊन आली आहे.

भारतात दरवर्षी मलेरियाचे 3 लाखांहून अधिक रुग्ण
5 वर्षांखालील मुलांना मलेरिया होण्याचा सर्वाधिक धोका असतो. दर दोन मिनिटांनी मलेरियामुळे एका मुलाचा मृत्यू होतो. 2019 मध्ये, जगभरात मलेरियामुळे 4.09 लाख मृत्यू झाले होते, त्यापैकी 67% म्हणजेच 2.74 मुले होती, ज्यांचे वय 5 वर्षांपेक्षा कमी होते. भारतात 2019 मध्ये मलेरियाची 3 लाख 38 हजार 494 प्रकरणे आली होती आणि 77 लोकांचा मृत्यू झाला होता. 2015 ते 2019 पर्यंत, भारतात मलेरियामुळे सर्वाधिक 384 मृत्यू 2015 मध्ये झाले होते. त्यानंतर मृतांची संख्या सातत्याने कमी होत आहे.

आफ्रिकन देशांमध्ये 23 लाख मुलांवर लस चाचण्या
मलेरिया लस RTS, S/AS01 चा वापर 2019 मध्ये घाना, केनिया आणि मलावी येथे पायलट प्रोग्राम म्हणून केला गेला. याअंतर्गत, 23 लाख मुलांना लस देण्यात आली होती, त्याच्या निकालांच्या आधारावर, WHO ने आता ही लस मंजूर केली आहे. जीएसके कंपनीने ही लस प्रथम 1987 मध्ये बनवली होती.

गंभीर प्रकरणे 30% कमी असतील
पायलट प्रोजेक्टच्या निकालांनुसार, मलेरियाची लस सुरक्षित आहे आणि 30% गंभीर प्रकरणांना रोखू शकते. ही लस दिलेली दोन तृतीयांश मुले अशी होती ज्यांच्याकडे मच्छरदाणी नव्हती. हे देखील उघड झाले आहे की मलेरिया लसीचा इतर लसींवर किंवा मलेरिया टाळण्यासाठी केलेल्या इतर उपायांवर कोणताही नकारात्मक परिणाम होत नाही.

डब्ल्यूएचओने उप-सहारा आफ्रिकन देशांमधील मुलांना दोन वर्षांच्या वयापर्यंत मलेरियाच्या लसीचे 4 डोस देण्याची शिफारस केली आहे. ही लस प्लाज्मोडियम फॅल्सिपेरमला निष्प्रभावी करते. प्लाज्मोडियम फॅल्सिपेरम मलेरिया पसरवणाऱ्या पाच परजीवींपैकी एक आहे आणि सर्वात धोकादायक आहे. डब्ल्यूएचओच्या मते, या लसीने मलेरियाच्या प्रत्येक 10 मधून 4 प्रकरणे रोखली जाऊ शकतात आणि गंभीर प्रकरणांमध्ये 10 मधून 3 लोकांना वाचवता येऊ शकते.

WHO च्या नुसार डासांमुळे पसरणारा आजार मलेरियामुळे जगभरात प्रत्येक वर्षी 4.09 लाख मृत्यू होतात. यामध्ये जास्तीत जास्त अफ्रीकन देशांचे मुलं असतात. जगभरात मलेरियामुळे जेवढे मृत्यू होतात, त्यामधून अर्धे 6 उप-सहारा अफ्रीकन देशांमध्ये होतात. यामध्येही एक चथुर्ताशं प्रकरणे नायजीरियाचे असतात.

हे आहेत मलेरियाचे लक्षण

  • थंडी वाजने
  • तीव्र ताप
  • डोगेदुखी
  • घशात खवखव
  • घाम येणे
  • थकवा
  • अस्वस्थता
  • उल्टी येणे
  • एनीमिया
  • स्नायूंमध्ये वेदना
  • रक्त अतिसार
बातम्या आणखी आहेत...