शास्त्र:प्रत्येकाने अवश्य लक्षात ठेवाव्यात या 8 गोष्टी, जीवनात राहील सुख-शांती

प्रत्येक व्यक्तीच्या मनामध्ये चांगल्या आणि वाईट गोष्टींशी जुळण्याचा भाव कुठे न कुठे तरी असतो. शास्त्रामध्ये मन, वचन आणि कर्माशी संबंधित विविध पाप-पुण्य सांगण्यात आले आहेत. याची माहिती प्रत्येक व्यक्तीला माहिती असेल असे नाही. यामुळे येथे सांगण्यात आलेल्या 8 गोष्टींचा अवलंब केल्यास जीवन आनंदी राहते. 

हिंदू धर्मशास्त्रामध्ये सांगण्यात आले आहे की...

प्राणाघातान्निवृति: परधनहणे संयम: सत्यवाक्यं

काले शक्तया प्रदानं युवतिजनकथामूकभाव: परेषाम्।

तृष्णास्त्रोतोविभंगो गुरुषु च विनय: सर्वभूतानुकम्पा

सामान्य: सर्वशास्त्रेष्वनुपहतविधि: श्रेयसामेष पन्था:।।

सोप्या शब्दांत सांगायचे तर मानवाने मन, वचन आणि व्यवहारात पुढील आठ गोष्टी आचरणात आणाव्यात...

- सत्य बोलणे.

- यथाशक्ती दान करणे.

- गुरूप्रती सन्मान आणि नम्रता. गुण, वय किंवा अन्य बाबतीत आपल्यापेक्षा मोठा असलेल्याचा मान राखणे.

- सर्वांप्रती दयाभाव.

- मनात निर्माण होणा-या इच्छांवर संयम ठेवणे.

- परस्त्रीबद्दल बोलणे किंवा ऐकणे टाळावे.

- दुस-यांची धनसंपत्ती हडपण्याचा विचार न करणे.

- प्राण्यांच्या प्रती अहिंसा भाव.