आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

श्रीगणेश विसर्जनाचे आज 4 मुहूर्त:जाणून घ्या, विसर्जनाची सोपी पद्धत आणि मंत्र, विसर्जनाची परंपरा वेदव्यासांशी संबंधित

25 दिवसांपूर्वी
  • कॉपी लिंक

आज अनंत चतुर्दशी आहे. 10 दिवस गणेशाची पूजा केल्यानंतर आज श्रीगणेश मूर्तींचे विसर्जन होणार आहे. ग्रंथात गणेशमूर्ती विसर्जनाचा उल्लेख नाही परंतु परंपरेमुळे विसर्जन प्रथा सुरु आहे.

वेदव्यास आणि श्रीगणेशाच्या महाभारत लिहिण्याच्या कथेपासून ही परंपरा सुरू झाली आहे. ज्यामध्ये महाभारत लिहिताना श्रीगणेशाच्या शरीरातील उष्णता वाढली होती, तेव्हा वेदव्यासांनी त्यांना स्नान घातले. तेव्हापासून गणपतीची स्थापना केल्यानंतर विसर्जन करावे, अशी मान्यता आहे.

आज गणपती विसर्जनाचे चार मुहूर्त आहेत. तुम्ही तुमच्या सोयीनुसार त्या वेळेला गणपतीचे विसर्जन करू शकता. परंतु हे काम सूर्यास्तापूर्वी करावे हे लक्षात ठेवा. शास्त्रानुसार सूर्यास्तानंतर मूर्तीचे विसर्जन केले जात नाही. देशातील सुप्रसिद्ध ज्योतिषी आणि धार्मिक ग्रंथांच्या तज्ज्ञांकडून गणपतीला निरोप देण्याची पद्धत आणि मुहूर्त याबद्दल आम्ही माहिती घेतली... जाणून घ्या ते काय सांगतात?

काशी विद्या परिषदेचे सरचिटणीस प्रा. पुरी आणि तिरुपतीच्या संस्कृत विद्यापीठाचे रामनारायण द्विवेदी, डॉ. गणेश मिश्र आणि डॉ. कृष्ण कुमार भार्गव सांगतात की, विसर्जन घरीच करायला हरकत नाही. यावर ब्रह्मपुराण आणि महाभारताचा हवाला देत नद्यांना अस्वच्छ केल्याने दोष लागतो. यासाठी एखाद्या नवीन भांड्यात पाणी भरून त्यामध्ये गणेश विसर्जन करावे.

विसर्जनानंतर एक रोप लावा कारण हा शुभ मुहूर्त आहे
डॉ.मिश्र सांगतात घनिष्ठा आणि शतभिषा नक्षत्र असल्यामुळे या दिवशी वृक्षारोपण करण्याचे आहे. कारण वराहमिहिराने ग्रंथांमध्ये वृक्षारोपण करण्यासाठी काही विशेष नक्षत्रांचा उल्लेख केला आहे. त्यापैकी दोन नक्षत्रे 9 सप्टेंबर रोजी राहतील. त्यामुळे गणपती विसर्जनानंतर तुळस, कडुलिंब, अशोक, आवळा किंवा कोणतेही पूजनीय झाड विसर्जन मातीमध्ये लावावे.

पाण्यात विसर्जन का केले जाते हे सांगताना डॉ.भार्गव म्हणतात की, पाणी हे पाच तत्वांपैकी एक आहे. त्यात विरघळल्याने, प्राण प्रतिष्ठत मूर्ती तिच्या मूळ तत्वात विलीन होते. पाण्याच्या माध्यमातून श्रीगणेशाचे साकार रूप निराकार होते. हे परमात्मा एकाकार होण्याचे प्रतीक आहे. त्यामुळे पाण्यात विसर्जनाचे महत्त्व आहे.

यासंबंधीच्या एका आख्यायिकेनुसार महर्षी वेदव्यास महाभारत लिहिण्यासाठी चांगल्या लेखकाच्या शोधात होते. तेव्हा श्रीगणेशांनी यासाठी होकार दिला. पण त्यांनी एक अटही घातली की, जोपर्यंत महर्षी न थांबता बोलत राहतील तोपर्यंत ते लिहीत राहतील. गणेश चतुर्थीच्या दिवसापासून वेद व्यासांनी महाभारताचे पठण सुरू केले. श्रीगणेश सलग 10 दिवस कथा लिहीत राहिले. कथा पूर्ण होईपर्यंत सतत लिहिल्याने श्रीगणेशाच्या शरीराचे तापमान वाढले होते. महर्षी वेदव्यासांनी त्यांना सरोवरात स्नान घातले. तो अनंत चतुर्दशीचा दिवस होता. त्यामुळे मूर्ती विसर्जनाची परंपरा सुरू झाली.

बातम्या आणखी आहेत...