16 डिसेंबर ते 14 जानेवारी काळात खरमास:या काळात काय करावे आणि काय करू नये

पौराणिक ग्रंथानुसार खरमासाच्या काळात शुभकार्य होत नाहीत. पण पूजा-पाठ, दान-पुण्य आणि खरेदी करता येते. यामध्ये खरेदीसाठीही शुभ मुहूर्त आहेत. तसेच तुम्ही गरजू लोकांना सामर्थ्यानुसार दररोज दान करू शकता.

16 डिसेंबर रोजी सकाळी 10 वाजता सूर्य वृश्चिक राशीतून निघून गुरूच्या धनु राशीत प्रवेश करेल. यानंतर 14 जानेवारीला रात्री 9 वाजता सूर्य मकर राशीत प्रवेश करताच खरमासाची समाप्ती होईल. अशा स्थितीत या एक महिन्यात शुभकार्य होणार नाहीत.

ज्योतिष ग्रंथामध्ये खरमासाचा उल्लेख
बृहस्पति हा धनु आणि मीन राशीचा स्वामी आहे. या राशींमध्ये सूर्य आल्यावर खरमास दोष लागतो. ज्योतिष तत्व विवेक नावाच्या ग्रंथात असे म्हटले आहे की जर सूर्याच्या राशीत गुरु असेल आणि सूर्य गुरुच्या राशीत राहत असेल तर त्या कालखंडाला गुरुवादित्य म्हणतात. जे सर्व शुभ कार्यांसाठी निषिद्ध मानले जाते.

खरमासात दानाचे महत्त्व
खरमासात दान केल्याने पवित्र स्नान करण्याइतके पुण्य फळ मिळते. या महिन्यात कोणतीही इच्छा न ठेवता भगवंताच्या जवळ जाण्यासाठी जे व्रत केले जातात, त्यांचे अक्षय फळ मिळते आणि उपवास करणाऱ्या व्यक्तीचे सर्व दोष दूर होतात. या काळात गरजू लोकांची, संतांची, साधूंची सेवा करणे महत्त्वाचे आहे. खरमासात दानासोबतच श्राद्ध आणि मंत्रजपाचाही नियम आहे.

खरमासमध्ये खरेदी करू शकता
खरमासमध्ये तुम्ही नवीन कपडे, दागिने, घरे, वाहने आणि दैनंदिन जीवनावश्यक वस्तू खरेदी करू शकता आणि त्यांचा वापर करू शकता. या महिन्यात तुम्ही नवीन हिरे आणि दागिने खरेदी करू शकता, परंतु ते खरमास चालू असताना घालू नयेत.