आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

23 डिसेंबरला शुक्रवार आणि अमावस्या योग:या दिवशी नदीत स्नान करून पितरांसाठी करावे तर्पण

2 महिन्यांपूर्वी
  • कॉपी लिंक

शुक्रवार, 23 डिसेंबरला मार्गशीर्ष महिन्यातील अमावस्या आहे. या दिवशी मार्गशीर्ष महिन्याच्या कृष्ण पक्षाची समाप्ती होईल. अमावस्येचे महत्त्वही सणाप्रमाणेच असून याच्याशी संबंधित अनेक परंपरा आहेत. या प्रथांचे पालन केल्याने धार्मिक लाभासोबतच आरोग्यालाही फायदा होतो.

उज्जैनचे ज्योतिषी पं. मनीष शर्मा यांच्याकडून जाणून घ्या मार्गशीर्ष अमावस्येला कोणती शुभ कार्ये केली जाऊ शकतात...

अमावस्येला पवित्र नदीत स्नान करून तीर्थ दर्शन करावे. शुक्रवारी एखाद्या पौराणिक मंदिरात दर्शन घ्यावे. या दिवशी जर तुम्हाला काही कारणास्तव नदीत स्नान करणे शक्य नसल्यास घरातील पाण्यात गंगाजल मिसळून स्नान करावे.

मंदिरात दर्शनासाठी जाणे शक्य नसेल तर घरीच मंदिरात पूजा करावी. तुमच्या कुळदेवतांच्या मंत्रांचा जप करावा.

अमावस्या तिथीचे स्वामी पितृदेवता मानले जातात. म्हणूनच अमावस्येला घरातील पितृदेवतेचे धूप लावून ध्यान करावे. नदीवर स्नानानंतर पितरांच्या नावाने तर्पण करावे. नदीचे पाणी हातात घेऊन अंगठ्याच्या बाजूने पाणी अर्पण करावे.

पूर्वजांच्या ध्यानासाठी दुपारची वेळ सर्वोत्तम आहे. शेणापासून बनवलेली गोवरी जाळावी. त्यातुन धूर निघणे थांबले की निखाऱ्यावर गूळ-तूप अर्पण करावे. पितरांचे ध्यान करावे. तळहातात पाणी घेऊन अंगठ्याच्या बाजूने जल अर्पण करा.

या दिवशी भगवान श्रीविष्णू आणि महालक्ष्मीला अभिषेक करावा. श्रीविष्णू-लक्ष्मीची पूजा करावी. तुळशीची पाने टाकून नैवेद्य दाखवावा. दिवा लावून आरती करावी. ऊँ नमो भगवते वासुदेवाय मंत्राचा जप करावा.

अमावस्येला तुळशीची पाने तोडू नयेत. यामुळे पूजेसाठी एक दिवस अगोदर तुळशीची पाने तोडून ठेवावीत.

शुक्रवारचा कारक ग्रह शुक्र आहे. म्हणूनच शुक्रवारी भगवान महादेवाची पूजा करावी. शुक्राची पूजा शिवलिंगाच्या रूपातच केली जाते. शिवलिंगावर दूध अर्पण करावे. ऊँ नमः शिवाय या मंत्राचा जप करावा.

बातम्या आणखी आहेत...