शिव पूजेचा सोपा विधी:श्रावण 27 ऑगस्टपर्यंत, फक्त जल-दूधच नाही तर या 5 गोष्टींनीही शिवलिंगाला अभिषेक करू शकता

शुक्रवार, 29 जुलैपासून श्रावण महिना सुरू झाला आहे. हा महिना 27 ऑगस्टपर्यंत चालणार आहे. असे मानले जाते की, या महिन्यात केलेली शिव पूजा भक्तांच्या सर्व मनोकामना पूर्ण करते. शिवपूजेत शिवलिंगाला जल आणि दुधाचा विशेष अभिषेक केला जातो.

उज्जैनचे ज्योतिषाचार्य पं. मनीष शर्मा यांच्या मते, महादेवाची पूजा करण्यापूर्वी भक्ताने कपाळावर चंदन किंवा भस्माचा त्रिपुंड लावावा. पूजा करण्यापूर्वी शिवलिंगावर असलेल्या वस्तू काढून टाकाव्यात. बेलाची पाने धुऊन पूजेत वापरता येतात. महादेवाची पूजा रात्रीही केली जाऊ शकते. जाणून घ्या महादेवाला वेगवेगळ्या वस्तूंनी अभिषेक केल्याने कोणत्या इच्छा पूर्ण होऊ शकतात.

अशा प्रकारे तुम्ही महादेवाची पूजा करू शकता
शिवलिंगावर जल, पंचामृत आणि दूध अर्पण करावे. बेलाची पाने, धोत्रा, रुईची फुले, जानवे अर्पण करावे. चंदनाचा टिळा लावावा. मिठाईचा नैवेद्य दाखवावा. धूप आणि दिवे लावून आरती करावी. शेवटी महादेवाचे ध्यान करत शिवलिंगाची अर्धी प्रदक्षिणा करावी. पूजेत झालेल्या, चुकांसाठी परमेश्वराची क्षमा मागावी. पूजेनंतर प्रसाद वाटून स्वतः घ्यावा. पूजा करताना ऊँ नमः शिवाय या मंत्राचा जप करत राहावे.