वर्षातील पहिले सूर्यग्रहण 20 एप्रिलला:भारतात दिसणार नाही, त्यामुळे कोणतेही धार्मिक महत्त्व नाही

वर्षातील पहिले सूर्यग्रहण 20 एप्रिल रोजी होणार आहे. हे संपूर्ण सूर्यग्रहण चैत्र अमावस्येला होणार आहे. हे भारतात दिसणार नसले तरी ते केवळ खगोलशास्त्रीय दृष्टिकोनातून विशेष असेल.

धार्मिकदृष्ट्या याचे महत्त्व नसेल. त्यामुळेच या ग्रहणाचा सुतक काळही देशात मानला जाणार नाही. अमावस्येला धार्मिक कार्य करण्यात कोणताही दोष लागणार नाही. स्नान-दान आणि पूजा-पाठ करू शकता.

या सूर्यग्रहणाच्या 15 दिवसांनी पौर्णिमेला म्हणजेच ५ मे रोजी खंडग्रास (छायाकल्प) चंद्रग्रहण होईल. जे केवळ दुर्बिणीने किंवा कोणत्याही विशेष उपकरणाने पाहिले जाऊ शकते. त्यामुळेच त्यालाही महत्त्व राहणार नाही.

ऑस्ट्रेलिया आणि इंडोनेशियामध्ये दिसणार
गुरुवार, 20 एप्रिल रोजी होणारे सूर्यग्रहण अंटार्क्टिका, ऑस्ट्रेलिया, इंडोनेशिया, फिलीपिन्स, हिंदी महासागर आणि प्रशांत महासागराच्या दक्षिणेकडील भागात दिसणार आहे, त्यामुळे या ग्रहणाचा परिणाम या ठिकाणांवरही होणार आहे.

भारतीय वेळेनुसार, हे संपूर्ण सूर्यग्रहण सकाळी 7:04 वाजता सुरू होईल आणि दुपारी 12:29 वाजता संपेल. सुमारे 5 तास 25 मिनिटांच्या या ग्रहणात 1 मिनिट 12 सेकंदांसाठी कंकणाकृती स्थिती असेल.

सूर्यग्रहणाचे ज्योतिषशास्त्रीय महत्त्व
चैत्र अमावस्येला होणाऱ्या सूर्यग्रहणाचे धार्मिक महत्त्व नसले तरी खगोलशास्त्रीय आणि ज्योतिषशास्त्राच्या दृष्टिकोनातून ते विशेष मानले जाते. पुरीचे ज्योतिषी डॉ. गणेश मिश्र सांगतात की, या ग्रहणाचा 12 राशींवर तसेच देश आणि जगावर परिणाम होईल.

त्यामुळे नैसर्गिक आपत्ती आणि राजकीय बदल होण्याची चिन्हे दिसत आहेत. यासोबतच या ग्रहणामुळे अनेक लोक मानसिकदृष्ट्या अस्वस्थ राहतील.

सर्वपितृ अमावस्येला पुढील सूर्यग्रहण
आता पुढील सूर्यग्रहण 14 ऑक्टोबरला होणार आहे. 2023 मधील हे दुसरे सूर्यग्रहण आणि वर्षातील शेवटचे सूर्यग्रहण असेल. हे कंकणाकृती सूर्यग्रहण अश्विन महिन्याच्या अमावस्येला म्हणजेच सर्वपित्री अमावस्येला होईल, पण भारतात दिसणार नाही. यामुळे याला कोणतेही धार्मिक महत्त्व राहणार नाही. त्यामुळे पितृोत्सवात केलेले स्नान-दान आणि पूजापाठ यात सुतक दोष राहणार नाही.