आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

व्रत आणि पूजा विधी:गुरुवारी प्रदोषाचा संयोग, या दिवशी सूर्यास्तानंतर विशेष शिव पूजेने दूर होतात दोष

एका महिन्यापूर्वी
  • कॉपी लिंक

गुरुवार 8 सप्टेंबर रोजी प्रदोष व्रत आहे. शिव आणि स्कंद पुराणानुसार त्रयोदशीला भगवान शंकराची विशेष पूजा केल्याने सर्व प्रकारचे संकट दूर होतात. ही पूजा प्रदोष काळ दरम्यान म्हणजेच सूर्यास्तापासून सुमारे 90 मिनिटांपर्यंत केली जाते. गुरुवारी त्रयोदशी असल्याने या दिवशी गुरु प्रदोषाचा संयोग जुळून येत आहे. या संयोगात महादेवाची पूजा केल्याने शत्रूंवर विजय मिळतो आणि पितरांची तृप्ती होते.

प्रदोष काळात शिव कैलासावर नृत्य करतात
स्कंद पुराणात त्रयोदशी तिथीच्या संध्याकाळला प्रदोष म्हणतात असे सांगितले आहे. यावेळी भगवान शिव कैलास पर्वताच्या रजत भवनात नृत्य करतात आणि देवता त्यांच्या गुणांची स्तुती करतात. म्हणून या शुभ काळात धर्म, अर्थ, काम आणि मोक्षाच्या इच्छेने भगवान शिवाची पूजा करावी. या दिवशी भगवान शिवासोबत पार्वतीचीही पूजा केली जाते. ज्यामुळे सर्व प्रकारचे त्रास आणि दुःख संपतात.

सूर्यास्तानंतर प्रदोष काळात पूजा करावी
पुराण आणि ज्योतिष ग्रंथानुसार प्रदोष व्रतामध्ये सूर्यास्तानंतर सुमारे 90 मिनिटांच्या वेळेला प्रदोष काळ म्हणतात. यादरम्यान भगवान शिव-पार्वतीच्या विशेष पूजेची परंपरा आहे. प्रदोष काळात केलेल्या उपासनेने शारीरिक, मानसिक आणि आर्थिक समस्याही दूर होतात. यावेळी गुरुवार हा शुभ योग असल्याने शिवपूजेचे शुभ परिणाम अनेक पटींनी मिळतील.

पूजन विधी : पंचामृताने रुद्राभिषेक
सूर्यास्तापूर्वी स्नान करावे. त्यानंतर पूजेची तयारी करावी. प्रदोष काळाच्या सुरुवातीला भगवान महादेवाला अभिषेक करावा. यासाठी पंचामृतही वापरावे. त्यानंतर चंदन, अक्षत, अबीर-गुलाल, बिल्वपत्र, धोत्रा, मंदार फुले व इतर पूजा साहित्य अर्पण करावे. यानंतर धूप आणि दिव्याने भगवान शंकराची आरती करावी. महादेवाला नैवेद्य दाखवावा.

व्रत विधी : संध्याकाळी शिवपूजनानंतर करावे भोजन
या दिवशी सूर्योदयापूर्वी स्नान करावे. त्यानंतर शिवमंदिरात किंवा घरी पूजास्थळी बसून हातात पाणी घेऊन प्रदोष व्रताने महादेवाची पूजा करण्याचा संकल्प घ्यावा. यानंतर महादेवाची पूजा करावी. त्यानंतर पिंपळाला जल अर्पण करावे. दिवसभर प्रदोष व्रताचे नियम पाळावे. म्हणजेच शारीरिक आणि मानसिकदृष्ट्या पूर्णपणे सात्त्विक व्हा. जेवण करू नये. महादेवाची पूजा करून संध्याकाळी आरती केल्यानंतर प्रदोष काळ संपल्यानंतर म्हणजे सूर्यास्तानंतर 72 मिनिटांनी भोजन करता येते.

बातम्या आणखी आहेत...