आजचे राशिभविष्य:जाणून घ्या, तुमच्या राशीसाठी कसा राहील गुरुवार

गुरुवार 19 नोव्हेंबर रोजी उत्तराषाढा नक्षत्र असल्यामुळे गंड नावाचा योग जुळून येत आहे. याचा अशुभ प्रभाव 12 पैकी 5 राशीच्या लोकांवर राहील. याच्या प्रभावाने काही लोक वादामध्ये अडकू शकतात. नोकरी आणि बिझनेस करणाऱ्या लोकांना धनहानी होऊ शकते. आरोग्याच्या बाबतीतही दिवस चढ-उताराचा राहील. लव्ह-लाईफसाठी दिवस काही लोकांसाठी ठीक नाही. गुरुवारच्या या अशुभ योगामुळे 5 राशीचे लोक जास्त तणावात राहतील. इतर राशीच्या लोकांसाठी दिवस संमिश्र फळ देणारा राहील.

येथे जाणून घ्या, तुमच्यासाठी कसा राहील गुरुवार...

मेष : शुभ रंग : डाळिंबी| अंक : ९
आज काही विद्वान मंडळींचा सहवास लाभेल. चांगली वैचारिक देवाणघेवाण होईल. गृहिणी दानधर्म करतील.

वृषभ : शुभ रंग : मरून| अंक : १
कष्टाच्या प्रमाणात मोबदला कमीच असला तरी कामातील उत्साह दांडगा राहील. काही कामे नि:स्वार्थीपणे कराल. आजच्या कष्टाचे फळ उद्या नक्की.

मिथुन : शुभ रंग : गुलाबी| अंक : ३
तुम्हाला एखादी गुप्त बातमी समजेल. गृहिणींनी झाकली मूठ झाकलीच ठेवणे गरजेचे आहे. वाहतुकीचे नियम तोडल्यास दंड चुकणार नाही.

कर्क : शुभ रंग : पांढरा| अंक : ८
हातचे सोडून मृगजळामागे धावण्याचा मोह होईल. कुसंगतीने प्रतिष्ठेस धोका होईल.

सिंह : शुभ रंग : सोनेरी| अंक : ९
आज पैसा येण्याइतकेच पैसा जाण्याचेही मार्ग प्रशस्त असतील. चैनी वृत्तीस थोडा लगाम घालणे गरजेचे.

कन्या : शुभ रंग : केशरी| अंक : ६
आज काम कमी व धावपळच जास्त होणार आहे. कार्यक्षेत्रात विरोधकांना कमजोर समजू नका.

तूळ : शुभ रंग : मोतिया|अंक : ७
अनपेक्षित पैसा येईल. भाग्योदयाकडे वाटचाल होईल. विरोधकांचा विरोध गोड बोलूनच थोपवून धरता येईल.

वृश्चिक : शुभ रंग : स्ट्रॉबेरी|अंक : ४
योग्य वेळी घेतलेल्या निर्णयांचे चीज होईल. व्यवसायात आवक मनाजोगती असेल. मित्रांमध्ये मोठेपणा मिळेल.

धनू : शुभ रंग : आकाशी| अंक : ५
सामाजिक कार्यात मानसन्मान वाढेल. कुटुंबीयांना अभिमान वाटण्याजोगी अशी कामगिरी कराल.

मकर : शुभ रंग : नारिंगी| अंक : १
कामावर दांडी मारून थोडं करमणुकीस प्राधान्य द्यावेसे वाटेल. प्रेमप्रकरणांना ग्रीन सिग्नल आहे.

कुंभ : शुभ रंग : पिस्ता|अंक : ३
जिवलग मित्र हिताचेच सल्ले देतील. वैवाहिक जीवनात गोडवा राहील. संततीकडून सुवार्ता येतील.

मीन : शुभ रंग : क्रीम|अंक : २
कामधंद्याच्या ठिकाणी तुमचे महत्त्व वाढेल. इतरांना न झेपणाऱ्या जबाबदाऱ्या स्वीकारून त्या पूर्ण कराल. विरोधक माघार घेतील.