आजचे राशिभविष्य:जाणून घ्या, तुमच्या राशीसाठी कसा राहील सोमवार

सोमवार 2 जानेवारी रोजी भरणी नक्षत्र असल्यामुळे साध्य नावाचा शुभ योग जुळून येत आहे. या योगाच्या प्रभावाने 12 पैकी 7 राशीच्या लोकांना नशिबाची साथ मिळू शकते. या सात राशीच्या लोकांना जुन्या अडचणींमधून मुक्ती मिळेल. हे लोक आर्थिक व्यवहार आणि गुंतवणुकीमध्ये भाग्यशाली राहतील. या व्यतिरिक्त इतर राशींसाठी आजचा दिवस संमिश्र फळ देणारा राहील.

येथे जाणून घ्या, तुमच्यासाठी कसा राहील दिवस...

मेष | शुभ रंग:पिस्ता, शुभ अंक : ९
आज तुमची मिळकत उत्तम असेल. गृहिणींना अचानक येणाऱ्या पाहुण्यांची ऊठबस करावी लागेल. आज प्रवास त्रासदायक होऊ शकतात, फार अर्जंट नसेल तर टाळा.

वृषभ | शुभ रंग:जांभळा, शुभ अंक : ३
कमी श्रमात जास्त लाभाच्या अपेक्षेने निराशाच पदरी पडू शकेल. महत्त्वाचे निर्णय विचारांती घ्या. अडचणीच्या प्रसंगी आज जोडीदाराने दिलेले सल्ले महत्त्वाचे असतील.

मिथुन | शुभ रंग:निळा, शुभ अंक : ६
आज मीपणा प्रगतीच्या आड येऊ शकतो. मृदुवाणीने बरीच अवघड कामे सोपी होतील. एखाद्या महत्त्वाच्या कामासाठी तातडीचा प्रवास घडण्याची शक्यता आहे.

कर्क | शुभ रंग:केशरी, शुभ अंक : ४
आजचा दिवस तुमच्यासाठी सर्वच दृष्टीने अनुकूल आहे. आज केलेल्या कोणत्याही वाटाघाटी सकारात्मकतेने पार पडतील. जिवलग मित्रांकडून अपेक्षित सहकार्य मिळेल.

सिंह | शुभ रंग:स्ट्रॉबेरी, शुभ अंक : ७
यशस्वी लोकांचा सहवासात आज तुमचा जीवनाकडे बघण्याचा दृष्टिकोन बदलेल. कामाच्या व्यापात आज कुटुंबीयांसाठी वेळ देणे अवघड होईल. व्यग्र दिवस.

कन्या | शुभ रंग:मरून, शुभ अंक : ८
आज घरात वडीलधाऱ्या मंडळींशी काही वादविवाद संभवतात. तुम्हाला आज जरा एकांताची गरज भासेल. ज्येष्ठ मंडळींनी आज सत्संगाकडे पावले वळवावीत.

तूळ | शुभ रंग:सोनेरी, शुभ अंक : ४
आपल्या कार्यक्षेत्रात स्पर्धकांना कमजोर समजू नका. नोकरीच्या ठिकाणी आज नियमांची अंमलबजावणी काटेकोरपणे करा. हितश़त्रू टपूनच बसलेत, सतर्क राहा.

वृश्चिक | शुभ रंग:क्रीम, शुभ अंक : ९
व्यवसायात भागीदारांशी सलोख्याचे संबंध असतील. वैवाहिक जीवनातही आज गोडीगुलाबी असून काही जुन्या स्मृती मनाला आनंद देतील. आशादायी दिवस.

धनू | शुभ रंग:डाळिंबी, शुभ अंक : ३
आरोग्यविषयक तक्रारींची वेळीच दखल घेणे गरजेचे आहे. दुकानदारांची उधारी वसूल होईल. नोकरीच्या ठिकाणी विरोधकांच्या काही उचापती चालूच राहतील.

मकर | शुभ रंग:लाल, शुभ अंक : ५
नोकरदारांना नोकरीत बदल करण्यासाठी योग्य संधी चालून येतील. नवोदित कलाकारांच्या अथक प्रयत्नांना यश येईल. रुग्णांना हॉस्पिटलमधून डिस्चार्ज मिळेल.

कुंभ | शुभ रंग:भगवा, शुभ अंक : २
जमीन खरेदी-विक्रीचे काही व्यवहार मार्गी लागतील. विद्यार्थ्यांना किचकट विषयातही गोडी निर्माण होईल. गृहिणींना आज अजिबात उसंत मिळणार नाही.

मीन | शुभ रंग:मोरपंखी, शुभ अंक : १
तुमचा आत्मविश्वास वृद्धिंगत करणारी एखादी घटना घडेल. उच्च अधिकारी असाल तर सह्या करण्यापूर्वी मजकूर नीट वाचून घ्या. आज दिवस धावपळीचा आहे.