आजचे राशिभविष्य:जाणून घ्या, तुमच्या राशीसाठी कसा राहील सोमवार

सोमवार 6 मार्च रोजी मघा नक्षत्रामध्ये सूर्योदय होत असून आजची ग्रहस्थिती सुकर्मा नावाचा शुभ योग तयार करत आहे. या योगाच्या प्रभावामुळे 12 पैकी 7 राशीच्या लोकांना आज नशिबाची साथ मिळू शकते. या सात राशीच्या लोकांना जुन्या अडचणींमधून मुक्ती मिळेल. हे लोक आर्थिक व्यवहार आणि गुंतवणुकीमध्ये भाग्यशाली राहतील. या व्यतिरिक्त इतर राशींसाठी आजचा दिवस संमिश्र फळ देणारा राहील.

येथे जाणून घ्या, तुमच्यासाठी कसा राहील दिवस...

मेष | शुभ रंग:राखाडी, शुभ अंक : ४
उच्चशिक्षित तरूणांच्या महत्वाकांक्षा वाढतील. आज तुम्ही स्वत:च्या व्यक्तिमत्व विकासाकडे लक्ष द्याल. उच्च राहणी व उच्च विचारसरणी असे तुमचे धोरण राहील.

वृषभ | शुभ रंग:डाळिंबी, शुभ अंक : १
आज कुठेही न जाता बरेच दिवसापासून रखडलेल्या घरगुती कामात लक्ष घालणे तुम्हाला गरजेचे वाटेल. विद्यार्थी आज पालकांच्या अपेक्षा पूर्ण करतील.

मिथुन | शुभ रंग:पांढरा, शुभ अंक : ५
आज एखाद्या महत्वाच्या कामासाठी भटकंती होणार आहे. रिकामटेकडी चर्चा वादास कारणीभूत होईल. शेजाऱ्यांशी एकोपा वाढेल. घराबाहेर वाद संभवतात.

कर्क | शुभ रंग:पिस्ता, शुभ अंक : ३
आज तुमचे शारिरीक व मानसिक स्वास्थ्य उत्तम असेल.गरजेपुरता पैसा सहज उपलब्ध होईल. गृहीणी कौटुंबिक जबाबदाऱ्या आनंदाने पार पाडतील. आनंदी दिवस.

सिंह | शुभ रंग:मरून, शुभ अंक : २
कार्यक्षेत्रात हितसंबंध निर्माण होतील. उपवरांना स्थळे सांगून येतील. आवडते छंद जोपासण्यासाठी पैसा व वेळ खर्च कराल. इतरांच्या भानगडीत मध्यस्ती कराल.

कन्या | शुभ रंग:स्ट्रॉबेरी, शुभ अंक : ८
खर्चाचे प्रमाण वाढले तरी पैसा कमी पडणार नाही. कलाकारांचा परदेशी नावलौकिक होईल. आज प्रवासात असाल तर मात्र आपल्या किमती वस्तूंची काळजी घ्या.

तूळ | शुभ रंग:जांभळा, शुभ अंक : ६
पूर्वी केलेल्या एखद्या गुंतवणूकीतून चांगला परतावा मिळेल. तुमचे कष्ट कारणी लागतील व कार्यक्षेत्रात यशाची चाहूल लागेल. दिवसाचा उत्तरार्ध लाभाचा.

वृश्चिक | शुभ रंग:मोतिया, शुभ अंक : ३
कार्यक्षेत्रात अविश्रांत कष्ट करायची तुमची आज तयारी असेल. नोकरदारांना वरीष्ठांचे दडपण राहील. अधिकारी वर्गास अधिकार वापरण्याची संधी मिळेल.

धनु | शुभ रंग:मोरपंखी, शुभ अंक : ९
उद्योग धंद्याच्या दृष्टीने थोडासा विराेधी दिवस. नोकरीत साहेबांचे मूड सांभाळावे लागतील. कार्यक्षेत्रात काही आकस्मिक अडचणींचा सामना करावा लागणार अाहे.

मकर | शुभ रंग:लाल, शुभ अंक : ७
फक्त आपल्याच भल्याचा विचार करा. आज भावनेच्या भरात कुणालाही वचने देऊ नका. जोडीदाराच्या चुका काढण्यासाठी दिवस योग्य नाही. गाडी हळूच चालवा.

कुंभ | शुभ रंग:निळा, शुभ अंक : ७
आज वैवाहीक जिवनांत गोडीगुलाबी असणार आहे. महत्वाच्या घरगुती प्रश्नांत जोडीदाराचे मत अवश्य घ्या. हौसमौज करताना कायद्याचे भान ठेवा. सतर्क रहा.

मीन | शुभ रंग:केशरी, शुभ अंक : ९
कार्यक्षेत्रात सावधगिरीने पावले टाकणे गरजेचे आहे. हितशत्रू सक्रिय असल्याने नोकरीत नियमांचे उल्लंघन करू नका. हाताखालच्या लोकांवर वचक गरजेचा आहे.