आजचे राशिभविष्य:जाणून घ्या, तुमच्या राशीसाठी कसा राहील बुधवार

बुधवार 15 मार्च रोजी ज्येष्ठा नक्षत्र असल्यामुळे सिद्धी नावाचा शुभ योग जुळून येत आहे. या योगाच्या प्रभावाने 12 पैकी 7 राशीच्या लोकांना विशेष लाभ होईल. या राशीच्या लोकांना एक्स्ट्रॉ इन्कम होऊ शकते. सेव्हिंगही वाढेल. बिझनेस करणाऱ्या लोकांना गुंतवणुकीतून लाभ होईल. या व्यतिरिक्त इतर पाच राशीच्या लोकासांठी दिवस संमिश्र फळ देणारा राहील.

येथे जाणून घ्या, तुमच्यासाठी कसा राहील दिवस...

मेष : शुभ रंग:मरून, शुभ अंक : १
आज तुमचा अध्यात्मिक मार्गाकडे ओढा राहील. आज नास्तिक ही देवाला एखादा नवस बोलतील. घरात एखादे धार्मिक कार्य करण्याचे बेत योजाल. दैवाची साथ राहील.

वृषभ : शुभ रंग:पांढरा, शुभ अंक : ४
व्यवसायातील वाढत्या स्पर्धेने आज व्यावसायिक त्रस्त असतील. आज अडचणीच्या प्रसंगी पत्नीची खंबीर साथ असेल. कुटुंबास पुरेसा वेळ देण्याचा प्रयत्न कराल.

मिथुन : शुभ रंग:लाल, शुभ अंक : २
धंद्यात येणी वसूल होतील. गोड बोलून गोड बोलून आज तुम्ही आपल्या विरोधकांनाही आपलेसे कराल. जुनी दुखणी आंगावर काढू नका. आज विश्रांती ही अवश्यक.

कर्क : शुभ रंग:निळा, शुभ अंक : ५
व्यायसायिक मंडळींना वाढत्या स्पर्धेचा सामना करावा लागेल. आरोग्याच्या काही तक्रारी त्रस्त करतील. आज संध्याकाळी डॉक्टरांच्या भेटीचा योग दिसतो आहे.

सिंह : शुभ रंग:मोतिया, शुभ अंक : ९
कुटुंबियांच्या वाढत्या मागण्या पुरवताना नाकी नऊ येतील. मुले अभ्यासात उत्कृष्ट कामगिरी करतील. गृहीणी आज पाहुण्यांची उठबस आनंदाने करतील.

कन्या : शुभ रंग:पिस्ता, शुभ अंक : ३
सामाजिक कार्यकर्ते लोकांच्या आदरास पात्र होतील. आज तुम्ही गरजूंस आवर्जुन मदत कराल. इतरांची मने सांभाळाल. आज काही शुभ समाचार येणार आहेत.

तूळ : शुभ रंग:डाळिंबी, शुभ अंक : ६
आवक पुरेशी असल्याने मनासारखा खर्च करता येईल. क्षुल्लक कारणावरून शेजारी रूसून बसतील. आज जरा स्पष्टवक्तेपणास आवर घालायला हवा. नाती दुरावतील.

वृश्चिक : शुभ रंग:डाळिंबी, शुभ अंक : ६
आज काहीसे लहरीपणाने वागाल. कुणाचेही ऐकून घेण्याची तयारी नसेल. उताविळपणाने घेतलेले काही निर्णय चुकतील. हातचे सोडून पळत्यामागे धावाल.

धनु : शुभ रंग:स्ट्रॉबेरी, शुभ अंक : १
एखादी हरवलेली वस्तू गवसेल. आज तुम्ही स्वत:च्या व्यक्तिमत्व विकासावर भर द्याल. नवी वस्त्रखरेदी होईल.घरात थोरामोठ्यांच्या हो ला हो करा, वाद वाढवू नका.

मकर : शुभ रंग:गुलाबी, शुभ अंक : ७
महत्वाच्या कामासाठी भटकंती होईल. आज अनावश्यक खर्चाचे प्रमाण वाढेल. अधिकारी वर्गास विदेश दौरे घडतील. हातचे सोडून मृगजळामागे धावणार आहात.

कुंभ : शुभ रंग जांभळा, शुभ अंक : ६
नोकरीच्या ठीकाणी आज वरीष्ठ तुमच्या कामाची दखल घेतील. नव्या व्यावसायिकांचे कर्जप्रस्ताव मंजूर होतील. कामाच्या व्यापात घरगुती समस्या दुर्लक्षित होतील.

मीन : शुभ रंग निळा, शुभ अंक : ४
काही मनाविरूध्द घटनांनी नैराश्य येईल. नोकरदारांना अधिकाऱ्यांच्या दडपणात काम करावे लागेल. आज फक्त कर्तव्यास प्राधन्य द्यावे लागेल. व्यस्त दिवस.