आजचे राशिभविष्य:जाणून घ्या, तुमच्या राशीसाठी कसा राहील रविवार

रविवार, 5 फेब्रुवारी रोजी माघ मासातील पौर्णिमा आहे. पुष्य नक्षत्रामध्ये सूर्योदय होत आहे. यासोबतच आजची ग्रहस्थिती आयुष्मान नावाचा खास योग तयार करत आहे. या योगाच्या प्रभावाने 12 पैकी 7 राशीच्या लोकांना नोकरी आणि बिझनेसमध्ये फायदा होईल. लव्ह लाइफमध्ये काहीतरी नवीन घडेल आणि संबंध सुधारतील. काही राशींवर ग्रहांचा चांगला प्रभाव असल्यामुळे रविवारी धनलाभ होण्याची शक्यता राहील. इतर 5 राशीच्या लोकांसाठी दिवस संमिश्र फळ देणारा राहील.

येथे जाणून घ्या, तुमच्यासाठी कसा राहील दिवस...

मेष | शुभ रंग:मोरपंखी, शुभ अंक : ४
बेरोजगारांना आपल्याच शहरात काही नोकरीच्या संधी येतील. गृहिणी आज घर स्वच्छतेचे मनावर घेतील. मुलांच्या वाढत्या मागण्या पुरवाव्या लागणार आहेत.

वृषभ | शुभ रंग:चंदेरी, शुभ अंक : ७
आज एखाद्या कामासाठी तुम्हाला वणवण भटकावे लागण्याची शक्यता आहे. काही मोफत सल्लागार मंडळी संपर्कात येतील. हो ला हो करून विषय संपवा.

मिथुन | शुभ रंग:हिरवा, शुभ अंक : १
आज घरात प्रिय पाहुण्यांचे आगमन संभवते. अतिस्पष्ट बोलण्यापेक्षा गोड बोलणे हिताचे राहील. कुणालाही मागितल्याशिवाय सल्ले देऊ नका. दिवस लाभाचा.

कर्क | शुभ रंग:मरून, शुभ अंक : ९
आज तुम्ही काहीसे लहरीपणाने वागाल. कुणी केलेल्या खोट्या स्तुतीनेही भारावून जाल. आज गोडबोल्या मंडळींपासून दूरच राहाल तर बरे. मोहात अडकू नका.

सिंह | शुभ रंग:पांढरा, शुभ अंक : ५
आज न झेपणाऱ्या जबाबदाऱ्या टाळणेच हिताचे राहील. ज्येष्ठ मंडळींनी हाती असलेली पुंजी जपून वापरावी. संध्याकाळी अनपेक्षितपणे एखादा मोठा खर्च उद्भवेल.

कन्या | शुभ रंग:डाळिंबी, शुभ अंक : ८
आज आनंदी व उत्साही दिवस असून सगळी कामे सुरळीत पार पडतील. कार्यक्षेत्रात कष्ट कारणी लागतील व यश हाकेच्या अंतरावर आल्याची जाणीव होईल.

तूळ | शुभ रंग:स्ट्रॉबेरी, शुभ अंक : ३
आज रिकामटेकड्या गप्पा टाळून कृतीस प्राधान्य देणे गरजेचे आहे. ध्येयप्राप्तीसाठी कामाचे तास वाढवावे लागतील. नोकरदारांना वरिष्ठांचे दडपण जाणवेल.

वृश्चिक | शुभ रंग:सोनेरी, शुभ अंक : ४
नोकरीच्या ठिकाणी विरोधक तुमच्या चुका शोधायचा प्रयत्न करतील. बिनचूक कामास प्राधान्य देणे गरजेचे आहे. ज्येष्ठ मंडळींनी उपासनेत खंड पडू देऊ नये.

धनु | शुभ रंग:पिस्ता, शुभ अंक : १
नवीन व्यवसायात आपली कुवत ओळखूनच आर्थिक उलाढाली केलेल्या बऱ्या. अति आत्मविश्वास आज नुकसानीस कारणीभूत ठरू शकेल. संयम बाळगा.

मकर | शुभ रंग: निळा, शुभ अंक : ३
कार्यक्षेत्रातील तुमचे महत्त्व वाढेल. इतरांना न झेपणाऱ्या जबाबदाऱ्या स्वीकाराल व त्या पूर्णही कराल. व्यापाऱ्यांची आवक मुबलक राहील.

कुंभ | शुभ रंग:गुलाबी, शुभ अंक : २
नोकरीच्या ठिकाणी काही मनाजोगत्या घटना घडतील. आज अधिकारांचा गैरवापर मात्र टाळा. कायद्याच्या चौकटीतच राहा. किरकोळ दुखण्याकडेही दुर्लक्ष नकोच.

मीन | शुभ रंग:राखाडी, शुभ अंक : ६
आज तुमचा आत्मविश्वास दांडगा असेल. वाणीत गोडवा ठेवून अनेक किचकट प्रश्न मार्गी लावू शकाल. एखाद्या प्रिय व्यक्तीकडून आज महत्त्वाचा कॉल येईल.