आजचे राशिभविष्य:जाणून घ्या, तुमच्या राशीसाठी कसा राहील शनिवार

आज शनिवार 10 डिसेंबरला मार्गशीर्ष मासातील कृष्ण पक्षातील द्वितीय तिथी आहे. सूर्योदय आद्रा नक्षत्रामध्ये होत असल्यामुळे शुक्ल नावाचा शुभ योग जुळून येत आहे. याच्या प्रभावामुळे 12 पैकी 9 राशीच्या लोकांसाठी दिवस खास राहील. घर-कुटुंबात सुख-शांती राहील तसेच आनंदाची बातमी कळेल. नोकरी आणि बिझनेसमध्ये उत्पन्न वाढेल. या व्यतिरिक्त इतर 3 राशीच्या लोकांसाठी दिवस संमिश्र फळ देणारा राहील.

येथे जाणून घ्या, तुमच्यासाठी कसा राहील दिवस...

मेष | शुभ रंग:स्ट्रॉबेरी, शुभ अंक : ४
खर्च वाढता असला तरीही पैशाची कमतरता भासणार नाही. आज संध्याकाळी काही येणी अनपेक्षितपणे वसूल होतील. महत्वाच्या कामासाठी थोडी वणवण होईल.

वृषभ | शुभ रंग:निळा, शुभ अंक : ९
एखाद्या समारंभात तुमच्या व्यक्तिमत्वाचा प्रभाव पडेल. विवाहेच्छूकांना मनपसंत स्थळांचे प्रस्ताव येतील. योग्य निर्णय व वेळेचे योग्य नियोजन यामुळे यश सोपे होईल.

मिथुन | शुभ रंग:हिरवा, शुभ अंक : ३
आज तुम्ही स्वत:च्याच प्रेमात रहाल. प्रिय व्यक्तीसह एखाद्या मॉलमधे फेरफटका माराल. उंची वस्त्रखरेदी कराल. आज एखादी हरवलेली वस्तू अचानक सापडेल.

कर्क | शुभ रंग:सोनेरी, शुभ अंक : २
आज तुम्ही भावनेपेक्षा जास्त कर्तव्यास प्राधान्य द्याल. कामाच्या व्यापात आज महत्वाचे घरगुती प्रश्न दुर्लक्षित होतील. कामानिमित्त दूरचे प्रवास घडण्याची शक्यता.

सिंह | शुभ रंग:लाल, शुभ अंक : १
आज तुमच्यासाठी स्वप्नपूर्तीचा दिवस, कमी श्रमातही जास्त लाभ पदरात पडण्याची शक्यता आहे. जिवलग मित्र तुमचा शब्द झेलतील. दिवसाच्या पूर्वार्धात लाभ.

कन्या | शुभ रंग:पांढरा, शुभ अंक : ३
नोकरीच्या ठीकाणी अधिकाऱ्यांच्या खोचक प्रश्नांना उत्तरे द्यावी लागतील. बिनचूक काम करण्यास प्राधान्य द्यायला हवे. मित्राना आज दूरूनच राम राम करावा.

तूळ | शुभ रंग:भगवा, शुभ अंक : ५
आज दैवाचे पाठबळ उत्तम असल्याने तुमच्या प्रामाणिक प्रयत्नांना यशाची खात्री बाळगा. घरात एखादे धार्मिक कार्य करण्याचे बेत आखाल. सज्जनांचा सहवास लाभेल

वृश्चिक | शुभ रंग: भगवा, शुभ अंक : ७
आज कुणावरही डोळे झाकून विश्वास ठेऊ नका. हितशत्रू कदाचित मित्रांमधेच लपलेले असू शकतील. कोणतीही धाडसाची कामे आज नकोत. सावध रहा.

धनु | शुभ रंग:आकाशी, शुभ अंक : ४
कौटुंबिक वातावरण सामंजस्याचे असल्याने तुम्ही आज मुलांचे वाढते हट्ट ही हौशीचे पुरवाल. आज अडचणीच्या प्रसंगी आज पत्नीची खंबीर साथ राहील. छान दिवस.

मकर | शुभ रंग:केशरी, शुभ अंक : ८
कोणतीच गोष्ट सहज साध्य नसली तरीही आज तुमची काही येणी असतील तर ती वसूल होण्याची शक्यता आहे. प्रयत्नांना आज दैवाचे पाठबळ नक्की मिळेल.

कुंभ | शुभ रंग:मोरपंखी, शुभ अंक : ९
कलाकार मंडळी प्रसिध्दीच्या झोतात राहतील. हौशी मंडळी आज मौजमजेस प्राधान्य देतील. आज बरेच दिवसानी जुन्या मित्रमंडळींच्या सहवासात रमाल.

मीन | शुभ रंग:गुलाबी, शुभ अंक : ६
आज काही घरगुती प्रश्नांत लक्ष घालणे गरजेचे वाटेल. मुलांच्या अभ्यासातही डोकावणे गरजेचे. काही रसिक मंडळी सहकुटुंब एखाद्या सहलीचे नियोजन करतील.