बुधाच्या राशीत बदल:शेअर बाजार आणि मौल्यवान धातूंच्या किमती वाढू शकतात, या 3 राशीच्या लोकांनी घ्यावी काळजी

बुध 3 डिसेंबर रोजी धनु राशीत दाखल झाला आहे. जो या महिन्याच्या 27 तारखेपर्यंत या राशीत राहील. यानंतर 16 डिसेंबरला सूर्यही धनु राशीत प्रवेश करेल. त्यामुळे बुधादित्य शुभ योग जुळून येईल. गुरूच्या राशीत बुधाचे आगमन झाल्यामुळे त्याचे शुभ परिणाम काहीसे कमी होतील. त्यामुळे अनेकांसाठी येणारा काळ संमिश्र असेल.

पुरीचे ज्योतिषाचार्य डॉ. गणेश मिश्र यांच्यानुसार बुध ग्रहाच्या प्रभावामुळे कर्क, वृश्चिक, कन्या आणि मीन राशीच्या लोकांसाठी काळ चांगला आहे. पण तूळ, मकर आणि कुंभ राशीच्या लोकांना काळजी घ्यावी लागेल. दुसरीकडे मेष, वृषभ, मिथुन, सिंह आणि धनु राशीच्या लोकांचा काळ संमिश्र राहील. या ग्रहाच्या शुभ प्रभावाने देशाची आर्थिक व्यवस्था मजबूत होईल. शेअर बाजार आणि मौल्यवान धातूंच्या किमती वाढू शकतात.

बुध राशी परिवर्तनामुळे पत्रकारिता, शिक्षण, लेखन, भाषण आणि वकिली या क्षेत्राशी संबंधित लोकांची तर्कशक्ती वाढेल. या क्षेत्रांशी संबंधित लोकांच्या जीवनात मोठे बदल होऊ शकतात. काही लोकांच्या कार्यपद्धतीत अचानक बदल होण्याचीही शक्यता आहे. बृहस्पति राशीत असल्यामुळे बुद्धिमत्ता आणि ज्ञान वाढेल. या ग्रहांच्या प्रभावामुळे अनेक लोकांची आर्थिक स्थिती सुधारू शकते. काही लोक नवीन आणि मोठी गुंतवणूक करण्यासाठी मोठ्या योजना आखतील. बुध ग्रहाच्या प्रभावामुळे खरेदी वाढेल. यासोबतच शेअर बाजारात तेजी येण्याची शक्यता आहे.

शुभ : कर्क, वृश्चिक, कन्या आणि मीन
धनु राशीत बुधाच्या आगमनामुळे कर्क, वृश्चिक, कन्या आणि मीन राशीच्या लोकांचा काळ चांगला जाईल. या राशीच्या लोकांना नोकरी आणि व्यवसायात पुढे जाण्याची संधी मिळेल. अडकलेले पैसे मिळण्याची शक्यताही आहे. व्यवहार आणि गुंतवणुकीत फायदा होऊ शकतो. याशिवाय या राशीचे लोक मोठ्या कामासाठी योजना बनवतील. या लोकांची तर्कशक्तीही वाढेल.

सामान्य: मेष, वृषभ, मिथुन, सिंह आणि धनु
बुध राशीच्या बदलामुळे मेष, वृषभ, मिथुन, सिंह आणि धनु राशीच्या लोकांसाठी वेळ सामान्य राहील. या 5 राशीच्या लोकांची वैचारिक कामे पूर्ण होऊ शकतात. कामासंदर्भात नवीन आणि मोठ्या लोकांशी भेट होऊ शकते. दैनंदिन कामात जास्त मेहनत घ्यावी लागेल. धावपळ सुरूच राहील. यासोबतच व्यवहार आणि गुंतवणूक काळजीपूर्वक करावी लागेल. या राशीच्या लोकांना आरोग्याच्या बाबतीत काळजी घ्यावी लागेल.

अशुभ : तूळ, मकर आणि कुंभ
बुध धनु राशीत आल्याने तूळ, मकर आणि कुंभ राशीच्या लोकांना सावध राहावे लागेल. या 3 राशीच्या लोकांची आर्थिक स्थिती कमकुवत होऊ शकते. बचत संपण्याची आणि गुंतवणुकीत नुकसान होण्याची शक्यता आहे. व्यवहारातही काळजी घ्यावी लागेल. नशीब साथ देणार नाही. मज्जातंतूचे आजार होऊ शकतात. नोकरदार लोकांच्या कामात बदल आणि जागा बदलण्याची शक्यता आहे.