मंगळ संक्रमणाचा प्रभाव:रोजगाराच्या संधी वाढतील, यासोबतच अपघात वाढण्याचीही शक्यता आहे

ग्रहांचा सेनापती मंगळने 10 मे रोजी कर्क राशीत प्रवेश केला असून 1 जुलैपर्यंत या राशीत राहील. यादरम्यान शनिपासून शत्रू षडाष्टक योगही तयार होईल. पराक्रमाचे प्रतीक असलेला मंगळ ग्रह आपली शत्रू राशी मिथुनमधून नीच राशी कर्कमध्ये 51 दिवसांसाठी आला आहे..

या महिन्यात मंगळ आपल्यानीच राशीत आला आहे. यासोबतच या महिन्यात ५ शनिवार असतील आणि शनि मूळ त्रिकोण राशीत असल्यामुळे मंगळावर भारी पडेल.

ज्योतिषशास्त्रात भूमीपुत्र मंगळाचे वर्णन अग्नीचा कारक ग्रह म्हणून केले आहे. या कारणास्तव मंगळ चंद्राच्या कर्क राशीत जाऊन दुर्बल होतो. चंद्र हा पाण्याचा कारक आहे. अशा प्रकारे अग्नी आणि पाण्याचा संयोग नसल्यामुळे कर्क राशीत मंगळाचा अशुभ प्रभाव जास्त असतो.

राशी बदलाचा देशावर कसा होईल परिणाम
या ग्रहस्थितीमुळे कारखाने आणि शनिशी संबंधित गोष्टींच्या व्यवसायाला गती मिळेल. त्यामुळे रोजगाराच्या संधी वाढतील. संरक्षण क्षेत्र, संशोधन संस्था आणि खनिज संपत्तीशी संबंधित कामांनाही वेग येईल. आयात-निर्यातीचे काम वाढेल. कारखान्यांमध्ये अधिक उत्पादन होईल. लोह, सिमेंट, कोळसा यांची निर्यात वाढल्याने त्यांच्या किमतीही वाढू शकतात. शनिशी संबंधित क्षेत्रात नोकरीच्या संधी वाढतील.

शनि-मंगळाच्या या अशुभ संयोगामुळे अचानक अपघात आणि राजकीय विरोध वाढू शकतात. नैसर्गिक आपत्तींमुळे लोकांचे व वित्तहानीचे योगही जुळून येत आहेत. लोकांमध्ये परस्पर विरोधाभास वाढेल. मंगळ-शनिचा योग राजकीय दृष्टिकोनातून शुभ नाही. सत्ताधारी पक्षावर विरोधी पक्षांचा दबाव वाढणार आहे.

हे उपाय करू शकता
1. मंगळाचा अशुभ प्रभाव कमी करण्यासाठी हनुमानजीची पूजा करावी.
2. क्रौं स: भौमाय नम: या मंगळ मंत्राचा जप करा.
3. मंगळवारी उपवास करावा. लाल कपड्यात मसूर किंवा मध ठेवून दान करा.