राशी परिवर्तन:28 डिसेंबरपर्यंत धनु राशीत राहणार बुध, हा बुद्धी आणि वाणीचा कारक ग्रह

3 डिसेंबर रोजी बुध ग्रह धनु राशीत प्रवेश करेल. या राशीत 28 डिसेंबर सकाळी 6 वाजेपर्यंत राहील. दरम्यान, 16 तारखेला सूर्यही बुधासोबत येणार आहे. त्यामुळे सुमारे 12 दिवस या गोचरमधून बुधादित्य योग तयार होईल. पण गुरु बुधाला शत्रू मानतो आणि गुरू धनु राशीचाही स्वामी आहे. त्यामुळेच बुध ग्रहाच्या राशी बदलाचा शुभ प्रभाव कमी दिसून येईल. याआधी, गुरु स्वतःच्या राशीत मार्गी होईल. त्याच वेळी शुक्र आणि मंगळाचाही दृष्टी संबंध होत आहे. ग्रहांची ही उलथापालथ देश आणि जगात मोठे बदल घडवून आणेल.

हा ग्रह १ डिसेंबर रोजी उदय झाला
26 ऑक्टोबरपासून बुध ग्रह अस्त होता. अस्तामुळे बुधाचा शुभ प्रभाव कमी झाला होता. 37 दिवस अस्त राहिल्यानंतर आता 1 डिसेंबर रोजी उदय झाला आहे. या स्थितीत धनु राशीत येत आहे. त्यामुळे त्याचा शुभ प्रभाव वाढेल.

बुध हा बुद्धी आणि वाणीचा कारक ग्रह
पुरीचे ज्योतिषाचार्य डॉ. गणेश मिश्र सांगतात की, वाणी आणि बुद्धीचा ग्रह बुध धनु राशीत आल्याने अनेक लोकांमध्ये मतभेद होऊ शकतात. काही देश आपापसात मैत्री वाढवण्याऐवजी मुत्सद्देगिरी करण्याचा प्रयत्न करतील. म्हणूनच लोकांनी मतभेद शांततेने सोडवण्याचा प्रयत्न करावा. बुध ग्रहाच्या शुभ प्रभावामुळे गुंतवणूक आणि व्यवहारात लाभ होतो. घशाच्या आजारातही आराम मिळतो.

पुढील राशी परिवर्तन 28 डिसेंबर रोजी
धनु राशीत फिरणारा हा ग्रह केतू, शुक्र आणि सूर्यच्या नक्षत्रांमध्ये राहील. त्यावर मंगळ आणि राहूचीही दृष्टी असेल. अशा ग्रहस्थितीमुळे बुध ग्रहाचा शुभ प्रभाव कमी होऊ शकतो. 25 दिवस धनु राशीत राहिल्यानंतर बुध मकर राशीत जाईल. मकर राशीत शनी आधीपासूनच आहे. या दोन ग्रहांच्या संयोगामुळे अनेकांचे नुकसान होऊ शकते.