आजचे राशिभविष्य:जाणून घ्या, तुमच्या राशीसाठी कसा राहील शनिवार

शनिवार 25 जून रोजी भरणी नक्षत्रामध्ये सूर्योदय होत असल्यामुळे धृती नावाचा एक शुभ योग जुळून येत आहे. हा योग 12 पैकी 8 राशींसाठी चांगला राहील. धृती योग कुटुंब आणि कार्यक्षेत्रासाठी शुभ राहील. या योगाच्या प्रभावाने कौटुंबिक वातावरण चांगले राहील. एखाद्या गोष्टीचा वाद चालू असेल तर तो आज संपुष्टात येईल. इतर चार राशीच्या लोकांसाठी आजचा दिवस संमिश्र फळ देणारा राहील.

येथे जाणून घ्या, तुमच्यासाठी कसा राहील शनिवार...

मेष : शुभ रंग : क्रिम| अंक : ५
कार्यक्षेत्रात तुमच्या वक्तृत्वाचा व कतृत्वाचा प्रभाव पडेल. भावंडांमधे क्षुल्लक कारणाने कटुता येईल.

वृषभ : शुभ रंग : डाळिंबी| अंक : ३
अथक परिश्रमांच्या सहाय्याने कार्यक्षेत्रात यशाची चढती कमान राहील. योग्य माणसे संपर्कात येतील.

मिथुन : शुभ रंग : पांढरा| अंक : ८
आपले काम सोडून इतरांच्या अडचणी सोडवाल. आज गरजूंना मदत करण्यासाठी पदरमोड कराल.

कर्क : शुभ रंग : आकाशी | अंक : ९
तुमच्या कामातील उत्साह इतरांना प्रेरणा देईल. तुमची काही अपुरी स्वप्ने साकार होतील. यशदायी दिवस.

सिंह : शुभ रंग : पिस्ता | अंक : १
आज नोकरदार मंडळी वरीष्ठांचे मूड सांभाळतील. अधिकारी मंडळी कामगारांच्या प्रश्नांत लक्ष घालतील.

कन्या : शुभ रंग : सोनेरी| अंक : ७
शासकिय कामे रखडतील. श्रध्दाळू गृहीणींचा देवधर्म चालूच राहील. आज देवही नवसाला नक्की पावेल.

तूळ : शुभ रंग : हिरवा| अंक : ६
शारिरीक कष्टांची कामे करणाऱ्यांनी आपल्या सुरक्षेची काळजी घ्यावी. आज मोठे आर्थिक व्यवहार टाळा.

वृश्चिक : शुभ रंग : मरून| अंक : १
व्यवसायात तुम्ही वाढत्या स्पर्धेचा सामना करायला समर्थ असाल. जोडीदाराची भक्कम साथ राहील.

धनु : शुभ रंग : जांभळा| अंक : २
दैनंदीन कामात काही अडथळ्यांना तोंड द्यावे लागेल. नोकरीच्या शोधात असाल तर संधी चालून येतील.

मकर : शुभ रंग : गुलाबी | अंक : ३
आनंदी व उत्साही असा आज दिवस असून सर्व कामे सुरळीत पार पडतील. विलासी वृत्ती बळावेल.

कुंभ : शुभ रंग : भगवा | अंक : ४
आज तुमच्यासाठी गृहसौख्याचा दिवस. संध्याकाळ ची वेळ आज कुटुंबियां सोबत मौजमजेत घालवाल.

मीन : शुभ रंग : राखाडी| अंक : ४
आज अती स्पष्टवक्तेपणा टाळा, अन्यथा तुमचे काही हितचिंतक दुखावले जातील. क्रोधावर लगाम असु द्या.