आजचे राशिभविष्य:जाणून घ्या, तुमच्या राशीसाठी कसा राहील रविवार 

रविवार 21 जूनला मृगशीर्ष नक्षत्र असल्यामुळे गंड नावाचा योग जुळून येत आहे. याचा अशुभ प्रभाव 12 पैकी 6 राशीच्या लोकांवर राहील. याच्या प्रभावाने काही लोक वादामध्ये अडकू शकतात. नोकरी आणि बिझनेस करणाऱ्या लोकांना धनहानी होऊ शकते. आरोग्याच्या बाबतीतही दिवस चढ-उताराचा राहील. लव्ह-लाईफसाठी दिवस काही लोकांसाठी ठीक नाही. रविवारच्या या अशुभ योगामुळे 6 राशीचे लोक जास्त तणावात राहतील. इतर राशीच्या लोकांसाठी दिवस संमिश्र फळ देणारा राहील.

येथे जाणून घ्या, तुमच्या राशीसाठी कसा राहील रविवार..

मेष: शुभ रंग : चंदेरी | अंक : १

काही जणांना अचानक प्रवासास निघावे लागेल. प्रवासात झालेल्या ओळखी भविष्यात फायद्याच्या ठरणार आहेत.

वृषभ: शुभ रंग : भगवा | अंक : ४

खर्च वाढला तरी पैशाची कमतरता भासणार नाही. कार्यक्षेत्रात नवे हितसंबंध जुळून येतील. आज शब्द हे शस्त्र आहे याचे मात्र भान ठेवावे लागणार आहे.

मिथुन : शुभ रंग : पिस्ता | अंक : ५

आज तुम्हाला हातचे सोडून पळत्यामागे धावण्याचा मोह होईल, पण तसे करू नका. भावनेच्या भरात कोणतेही महत्त्वाचे निर्णय घेणे योग्य ठरणार नाही.

कर्क : शुभ रंग : डाळिंबी | अंक : २

दिवस खर्चाचा आहे, बचतीचा विचारच सोडून द्या.काही दूरचे नातलग अचानक संपर्कात येणार आहेत.

सिंह : शुभ रंग : गुलाबी | अंक : ६

आज तुमच्यासाठी लाभाचा दिवस असून तुमच्या काही मनोकामनांची पूर्तता होणार आहे. छान दिवस.

कन्या : शुभ रंग : सोनेरी | अंक : ७

कामाच्या ठिकाणी असलेल्या नियमांचे पालन गरजेचे आहे. आज कायद्यात राहाल तरच फायद्यात रहाल.

तूळ : शुभ रंग : जांभळा | अंक : ५

आज घरात वडीलधारी मंडळी काहीशी हट्टीपणाने वागतील. वादविवाद टाळून त्यांच्या वयाचा मान राखाल.

वृश्चिक : शुभ रंग : क्रिम | अंक : ८

नोकरीच्या ठिकाणी आपल्या कामाव्यतिरिक्त फार खोलात शिरू नका. वाहन चालवताना फारच जपून.

धनू : शुभ रंग : पांढरा | अंक : ९

व्यावसायिक नवे करार यशस्वी होतील. यश हाकेच्या अंतरावर आल्याचे जाणवेल.

मकर : शुभ रंग : स्ट्रॉबेरी | अंक : ६

व्यवसायात वाढती स्पर्धा बेचैन करेल. आज वाढत्या गरजांमुळे जमाखर्चाचा तराजू डळमळीत होईल.

कुंभ : शुभ रंग : मोरपंखी | अंक : ३

स्थावरासंबंधी काही अपुरे व्यवहार मार्गी लागतील. विद्यार्थ्यांकडून आज कौतुकास्पद कामगिरी होईल.

मीन : शुभ रंग : केशरी | अंक : ४

अति धावपळ टाळा. हार्ड वर्कपेक्षा स्मार्ट वर्क करण्यास प्राधान्य द्या. आईचे मन मोडू नका.