तीन ग्रहांचे राशी परिवर्तन:आज मंगळ, 15 तारखेला सूर्य आणि 16 तारखेला बुध बदलणार राशी

शुक्राच्या राशी परिवर्तनानंतर आता 13 मार्चला मंगळ राशी बदलत आहे. यानंतर 15 तारखेला सूर्य राशी बदलेल. याच्या दुसऱ्या दिवशी बुध मीन राशीत प्रवेश करेल. या ग्रहांच्या राशी बदलामुळे अनेक वस्तूंच्या किमती वाढू शकतात.

व्यवहार आणि गुंतवणुकीत नवीन संधी मिळतील. त्याच वेळी, हवामानात अचानक बदल होण्याची शक्यता आहे. देशात अनेक ठिकाणी अचानक पाऊस पडू शकतो. अनेक ठिकाणी उष्णता वाढू शकते.

मिथुन राशीत मंगळाचा प्रवेश
ग्रहांचा सेनापती मंगळ आपली राशी बदलून मिथुन राशीत प्रवेश करेल. ही बुधाची राशी असून मंगळ आणि बुध हे शत्रू ग्रह आहेत. मंगळाच्या राशी बदलामुळे तेल, पेट्रोल, डिझेल, लेदर, रसायने, औषधांच्या किमतीत वाढ होऊ शकते.

कर्ज प्रकरणांमध्ये दिलासा मिळणार नाही. जनतेमध्ये सरकारबद्दल रोष असेल. देशात अनेक ठिकाणी निदर्शने होण्याची शक्यता आहे. मंगळामुळे देशात वादही वाढू शकतात. महागाई कमी होण्याची शक्यता नाही.

सूर्याचे राशी परिवर्तन
15 मार्चला सूर्य मीन राशीत प्रवेश करेल. दुसऱ्या दिवशी मीन राशीत बुधाचे आगमन झाल्यामुळे बुधादित्य योग तयार होईल. यातून शासकीय व प्रशासकीय योजनांवर काम सुरू होईल. मोठे निर्णयही होतील. इथून हवामानातील चढ-उतार सुरू होतील.

मंगळ मिथुन राशीत पोहोचेल, त्यानंतर देशात काही ठिकाणी हवामानात बदल होईल. हलका पाऊस पडण्याची शक्यता आहे. शुक्र 23 मे रोजी मेष राशीत प्रवेश करेल, त्यानंतर व्यवसायात प्रगती होईल.

मेष राशीत बुध ग्रहाचा प्रवेश
बुध राशीच्या बदलामुळे शेअर बाजारात झपाट्याने चढ-उतार होतील. बुध आणि सूर्य यांच्या संयोगामुळे अनेक लोकांसाठी हा काळ चांगला राहील. सरकारी नोकरीशी संबंधित लोकांना फायदा होईल. मात्र, या ग्रहांमुळे ऋतू बदलही होतील. बुधाच्या प्रभावामुळेच धान्याचे भाव वाढू शकतात.