आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

श्रावण महिन्याची परंपरा:श्रावणात दुध आणि फळांचा रस दान केल्याने मिळते पुण्य; आयुष्यदेखील वाढते

16 दिवसांपूर्वी
  • कॉपी लिंक

27 ऑगस्टपर्यंत श्रावण महिना सुरु राहणार आहे. यामध्ये शिव पूजनाबरोबरच दान, वृक्षारोपण यालाही खूप महत्व आहे. शिव पुराणात असे म्हटले आहे की, श्रावण महिन्यात दान केल्याने सर्व प्रकारचे सुख, वैभव आणि पुण्य प्राप्त होते. दुसरीकडे इतर पुराणांमध्ये असे सांगण्यात आले आहे की, या महिन्यात भगवान शिवाची पूजा करण्याबरोबरच, पूजनीय वृक्ष आणि वनस्पतींचे रोपण आणि दान केल्याने भगवान शिवसह इतर देव आणि पूर्वज देखील प्रसन्न होतात.

श्रावणात दुध व फळांच्या रसाचे करावे दान

धार्मिक ग्रंथांचे जाणकार पुरीचे डॉ. गणेश मिश्र सांगतात की, श्रावण महिन्यात काहीही दान केल्यास अनेक पटींनी पुण्य मिळते. या महिन्यात रुद्राक्ष, दूध, चांदीचे नाग, फळांचा रस आणि आवळा दान केल्यास नकळत झालेली पापे नष्ट होतात. तसेच या महिन्यात वृक्ष लागवड केल्याने पितर प्रसन्न होतात. दान केल्याने माणूस श्रेष्ठ आणि सद्गुणी बनतो, असे डॉ. सांगतात.

रुद्राक्ष दान केल्याने सुख आणि ऐश्वर्य वाढते

श्रावण महिन्यात शिवाचा अभिषेक, शिवपुराण कथांचे पठण, श्रवण, मंत्रोच्चार याशिवाय दानाचेही मोठे महत्त्व आहे. श्रावण महिन्यात चांदीची नाणी दान केल्याने किंवा शिवलिंगावर चांदीच्या नाग आणि नागाच्या मूर्ती अर्पण केल्याने पुण्य मिळते, यामुळे संपत्ती देखील वाढते. शिवालयांमध्ये वैदिक ब्राह्मणांना रुद्राक्षाची माळ दान केल्याने भरपूर आनंद मिळतो.

विद्या दान सारखे आहे दिपदान

श्रावण महिन्यात दररोज दिवा दान करण्याचे खूप महत्व आहे. दिप म्हणजे प्रकाश. प्रकाश पसरवण्याची प्रेरणा या दिप पूजनात आहे. याचा अर्थ असा की, आपण शिक्षण आणि दानाच्या क्षेत्रात दृढनिश्चयाने प्रवेश केला पाहिजे, जेणेकरून भगवान शंकराची कृपा आपल्यावर होईल.

झाडे दान केल्याने मिळते पुण्य

श्रावण महिन्यात बिल्वपत्र, शमीपत्र, शिवलिंगी, अशोक, मदार आणि आवळा लावल्याने भगवान शिव प्रसन्न होतात. यासोबतच डाळिंब, पिंपळ, वड, कडुलिंब, तुळस लावल्याने पितर प्रसन्न होतात. रोपे लावण्याबरोबरच ही झाडे-झाडे दान केल्यानेही तितकेच पुण्य मिळते.

बातम्या आणखी आहेत...