या चाचण्या अवश्य करा:पंचविशीनंतर महिलांनी दर पाच वर्षांनी एचपीव्ही चाचणी करावी

२१-२९ वर्षे फॅमिली हिस्ट्री किंवा इतर कारणांमुळे सामान्यपेक्षा जास्त धोका असलेल्या पुरुषांना कोलन कर्करोगाची तपासणी केली पाहिजे. दुसरीकडे महिलांनी स्तनांमध्ये काही असामान्यता असल्यास मॅमोग्राम करावा. वयाच्या पंचविशीनंतर गर्भाशयाच्या मुखाच्या कर्करोगासाठी एचपीव्ही चाचणी दर ५ वर्षांनी केली पाहिजे.

३०-३९ वर्षे फॅमिली हिस्ट्री असल्यास स्त्रियांनी कोलन कॅन्सरची चाचणी करून घ्यावी. तुम्हाला स्तनांमध्ये काही विकृती दिसल्यास मॅमोग्राम करा. या वयात गर्भाशयाच्या मुखाच्या कर्करोगाचा धोका सर्वाधिक असतो. यासाठी एचपीव्ही चाचणी केली जाते. ही चाचणी यापूर्वी केली गेली नसेल तर ती या कालावधीत करणे आवश्यक आहे.

४०-४९ वर्षे प्रत्येक पुरुषाने वयाच्या ४५ व्या वर्षी कोलन कॅन्सरची चाचणी करून घेतली पाहिजे. कुटुंबातील कोणाला वयाच्या ६५ वर्षांपूर्वी प्रोस्टेट कॅन्सर झाला असेल तर वयाच्या ४० व्या वर्षापासून प्रोस्टेट कॅन्सर करावा. पंचेचाळिशीनंतर महिलांनी स्तनाच्या कर्करोगाची तपासणी करण्यासाठी दरवर्षी मॅमोग्राम करणे आवश्यक आहे. कोलन कॅन्सरची चाचणीही करता येते.

५०-६४ वर्षे हे असे वय आहे जेव्हा कर्करोगाचा इतिहास नसलेल्या कुटुंबांमध्येही कर्करोगाचा धोका वाढतो. धूम्रपान करत असल्यास फुप्फुसाच्या कर्करोगासाठी सीटी स्कॅन करा. कौटुंबिक इतिहास असल्यास कोलन आणि प्रोस्टेट कर्करोगाच्या चाचण्या कराव्यात. महिलांनी स्तनाच्या कर्करोगासाठी मॅमोग्राम चाचणी करावी.

६५ वर्षांवरील पुरुषांनी वयाच्या ७५ वर्षांपर्यंत कोलन कॅन्सरची चाचणी करून घ्यावी. धूम्रपान करत असाल तर डॉक्टरांच्या सल्ल्यानुसार फुप्फुसाच्या कर्करोगाची चाचणी करून घेऊ शकता. महिलांना दर २ वर्षांनी स्तन कर्करोगाची तपासणी करता येते. मागील १० वर्षांत गर्भाशयाच्या मुखाच्या कर्करोगाची तपासणी सामान्य असेल तर गरज नाही.