अश्वगंधामध्ये पोटातील अल्सर नष्ट करणारे कंपाउंड:ही औषधी वनस्पती शारिरीक आणि मानसिक आरोग्य वाढवणारी

अश्वगंधा एक अनुकूलक औषधी वनस्पती असून आयुर्वेदात सर्वात लोकप्रिय आहे. सुमारे 2,500 वर्षांपासून वापरली जात आहे. अश्वगंधा ही अशी एक औषधी वनस्पती आहे जी घोड्यासारखी शक्ती देते असे मानले जाते. आयुर्वेदात अश्वगंधाला शारिरीक आणि मानसिक आरोग्य वाढवणारे रसायन मानले जाते.

अश्वगंधा हिवाळ्यातील औषधी वनस्पती मानली जाते. थंडीच्या दिवसात याचे सेवन आरोग्यासाठी चांगले मानले जाते. अश्वगंधा वापरून खोकल्याचा उपचार केला जातो. त्याची मुळे बारीक करून पाण्यात उकळून घेतली जातात. गूळ किंवा मधात मिसळून हलक्या प्रमाणात याचा डोस घेतल्यानेही जुनाट खोकला बरा होतो.

रोगप्रतिकारशक्ती मजबूत होते
अश्वगंधामुळे आपला स्टॅमिनाही वाढतो, असे अनेक संशोधनांमध्ये सांगण्यात आले आहे. अश्वगंधामध्ये अशी संयुगे असतात जी शरीराच्या गरजेनुसार रोगप्रतिकारक शक्तीमध्ये बदल करू शकतात. हे रोगांशी लढण्यास मदत करते.

थायरॉईडचे विकार बरे होतात
आयुर्वेदाचार्य सांगतात की, थायरॉईडचे विकार अश्वगंधाच्या सेवनाने बरे होतात. जर्नल ऑफ ऑल्टरनेटिव्ह अँड कॉम्प्लिमेंटरी मेडिसिनने अहवाल दिला की हायपोथायरॉईडीझमने ग्रस्त असलेल्या लोकांना अश्वगंधाचे सेवन केल्याने फायदा होतो. अहवालात असे सुचवण्यात आले आहे की, अश्वगंधा मुळाचे आठ आठवडे सेवन करण्यात आले. यामुळे TSH आणि T4 स्तरांमध्ये लक्षणीय सुधारणा झाली.

तणाव आणि निद्रानाश दूर करते
अश्वगंधामध्ये तणावविरोधी गुणधर्म आहेत ज्यामुळे तणाव आणि चिंता कमी होते. अश्वगंधामधील हा तणावविरोधी प्रभाव सिटोइंडोसाइड्स आणि अॅसिलस्ट्रीग्लुकोसाइड्स नावाच्या दोन संयुगांमुळे आहे. त्यामुळे अश्वगंधाचे सेवन केल्याने तणाव कमी होतो. परिणामी निद्रानाशही निघून जातो.

निद्रानाशाच्या समस्येचा सामना करणारे लोक अश्वगंधाचे सेवन करू शकतात. अश्वगंधाचे मूळच नाही तर पानेही फायदेशीर आहेत. याच्या पानांमध्ये ट्रायथिलीन ग्लायकोल नावाचे संयुग असते, जे गाढ झोप आणते.

अश्वगंधामध्ये कॅन्सरविरोधी गुणधर्म आहेत
अश्वगंधाचे वनस्पति नाव विथानिया सोम्निफेरा असून त्यात कर्करोगविरोधी गुणधर्म आहेत. संशोधनानुसार, त्यात कर्करोगाच्या पेशी नष्ट करणाऱ्या प्रतिक्रियाशील ऑक्सिजन प्रजाती निर्माण करण्याची क्षमता आहे. संशोधकांना त्यांच्या चाचण्यांमध्ये आढळून आले आहे की अश्वगंधामध्ये फुफ्फुस, स्तन, कोलन आणि मेंदूच्या कर्करोगाशी लढण्याची शक्ती आहे.

अश्वगंधा किती खावी
आयुर्वेदात कोणत्याही औषधी वनस्पतीचे तीन प्रकार आहेत, उच्च, मध्यम आणि निम्न. जर एखाद्या प्रौढ व्यक्तीला नैराश्य, निद्रानाश किंवा इतर कोणत्याही गंभीर आजाराने ग्रासले असेल तर त्याला 15 ते 30 ग्रॅम अश्वगंधा मुळाचे चूर्ण द्यावे. हे दूध, तूप किंवा गुळासोबत घेता येते. तथापि, अश्वगंधा घेण्यापूर्वी, आयुर्वेदाचार्यांचा सल्ला घ्यावा. वेगवेगळ्या वयोगटातील लोकांसाठी अश्वगंधाचे डोस वेगवेगळे असू शकतात.

अश्वगंधामध्ये अनेक प्रकारचे कंपाउंड
अश्वगंधामध्ये अशी अनेक संयुगे आहेत जी तिला विशेष बनवतात. जसे की फ्लेव्होनॉइड्स. एवढेच नाही तर अश्वगंधाला सर्व अँटिऑक्सिडंट्सची जननी म्हटले जाते. त्यात कॅटालेस, सुपरऑक्साइड डिसम्युटेस आणि ग्लुटाथिओन असते. त्यात अल्कलॉइड्स, एमिनो अॅसिड्स, न्यूरोट्रांसमीटर, स्टेरॉल्स, टॅनिन, लिग्नॅन्स आणि ट्रायटरपेन्स असतात. या संयुगांमुळेच अश्वगंधाला औषध म्हणून मागणी आहे.

1000 मिग्रॅ वाळलेल्या अश्वगंधा मुळाच्या पावडरमध्ये असते

2.5 कॅलरीज

.04 ग्रॅम प्रथिने

.032 ग्रॅम फायबर

.05 मिग्रॅ कार्बोहायड्रेट

.03 मिग्रॅ लोह

.02 मिग्रॅ कॅल्शियम

.08 µg कॅरोटीन

.06 मिग्रॅ व्हिटॅमिन सी