एकाग्रता वाढवण्याचे तीन उपाय:या तीन पद्धतींनी वाढवा एकाग्रता

संगणक जसजसा छोटा होत चालला आहे, तसतशी आपली एकाग्रताही सतत कमी होत आहे. कॅलिफोर्निया युनिव्हर्सिटीच्या प्रोफेसर डॉ. ग्लोरिया मार्क यांच्या मते, सध्या एखादी व्यक्ती कोणत्याही स्क्रीनवर फक्त ४७ सेकंद लक्ष केंद्रित करू शकते. यासाठी डिजिटल उपकरणे मोठ्या प्रमाणात जबाबदार आहेत. मोबाइल आणि इंटरनेट जवळजवळ नेहमीच आपल्यासोबत असतात, त्यामध्ये काही सेकंदांत काही ना काही सूचना नक्कीच येतात. त्यात मेल, मजकूर किंवा सोशल मीडियाचा समावेश आहे. आपला मेंदू नवीन गोष्टी शिकण्यासाठी तयार केलेला असतो, सूचना येताच आपले लक्ष त्याकडे जाते.

1) आधी कारण जाणून घ्या डिजिटल उपकरणांव्यतिरिक्त आपण स्वतःही एकाग्रता बिघडवतो. खरे तर नोटिफिकेशन्स येणे बंद झाले तर मोबाइल चेक करायचा विचार मनात येऊ लागतो. हे तणाव किंवा चिंतेमुळे होते. ही चिंता ओळखा.

2) गॅजेट्समधून ब्रेक घ्या आवडते अॅप उघडण्यासाठी एक किंवा दोन मिनिटे घ्या आणि कामावर लक्ष केंद्रित करण्यापूर्वी ते तपासा. यानंतर १५ मिनिटांचा टायमर सेट करून फोन सायलेंट करा. १५ मिनिटे पूर्ण झाल्यावर एक किंवा दोन मिनिटांत अॅप्स पुन्हा तपासा. हळूहळू हा ब्रेक २०-३० किंवा ४५ मिनिटांपर्यंत वाढवला जाऊ शकतो.

3) कागदावर लिहिलेले वाचा डिजिटल स्क्रीन स्कॅन, स्किम आणि स्क्रोल करण्यासाठी बनवल्या जातात. त्यावर लिहिलेल्या मजकुरावर आपण पूर्णपणे लक्ष केंद्रित करू शकत नाही. पारंपरिकपणे आपल्या मेंदूला मुद्रण साहित्य हळूहळू वाचण्याची सवय असते.