ब्युटी टिप्स:सोयाबीन फक्त आरोग्यासाठीच नाही तर चेहऱ्याच्या सौंदर्यासाठी देखील उपयुक्त

सोयाबीनमध्ये प्रथिनं असतात म्हणून त्याचे सेवन आरोग्यासाठी फायदेशीर असतं. पण, सोयाबीनचे सेवन निव्वळ आरोग्यासाठीच नव्हे तर सौंदर्य वाढविण्यासाठी देखील फायदेशीर असतं. चला तर मग जाणून घेऊया की सोयाबीनचे सेवन केल्याने कोणते सौंदर्य लाभ मिळतील.

घनदाट आणि चमकदार केस : जर का आपल्याला घनदाट, काळेभोर चमकदार केस हवे असतील तर सोयाबीनचे सेवन केल्याने मदत होते. यामध्ये भरपूर प्रथिनं असतात. जे आपल्या केसांना घनदाट आणि चमकदार बनवतात.

चेहऱ्यावरील डाग दूर करा : सोयाबीनचे सेवन करण्यासोबतच चेहऱ्यावर लावणे देखील फायदेशीर ठरेल. यासाठी सोयाबीन पाण्यात काही तासांसाठी भिजवून ठेवा नंतर ह्याची पेस्ट बनवून घ्या. या पेस्टला चेहऱ्यावर १५ ते २० मिनिटे लावून ठेवा आणि नंतर पाण्याने चेहऱ्याला धुऊन घ्या. 

बळकट नखं : आपल्या नखांचे सौंदर्य आणि चमक सांगतात की आपल्या शरीराला व्यवस्थित पोषण मिळत आहे की नाही. सोयाबीनचे सेवन नखांना बळकट करतं. 

सुरकुत्यांपासून मुक्ती : सोयाबीनच्या नियमित सेवनाने शरीरामध्ये अॅस्ट्रोजन तयार होते, जे डाग आणि सुरकुत्यांना दूर करतं.

अशक्तपणा दूर : काही लोकं थोडी काम करून लगेच थकतात. त्यांना अशक्तपणा जाणवतो. अशा वेळी सोयाबीनचे सेवन केल्याने शरीरातील ऊर्जा वाढविण्यास मदत होते.