पॉर्नमधून आयडिया घेऊन विद्यार्थ्याने केले शिक्षिकेला बदनाम:अपयशी झाल्याने 46 वर्षीय शिक्षिकेवरच लावला लैंगिक शोषणाचा आरोप

पॉर्न व्हिडिओंचा मुलांच्या नाजूक मनावर कसा परिणाम होतो, याचे प्रत्यंतर ब्रिटनमध्ये पाहायला मिळाले आहे.पॉर्न साईट्सवर मोठ्या वयोगटातील महिलांचे व्हिडिओ पाहिल्यानंतर एका 15 वर्षीय विद्यार्थ्याला आपल्या शिक्षकाबद्दल वाईट विचार येऊ लागले.

त्याने शाळेत आपल्या वयाच्या तीनपट महिला शिक्षिकेला बदनाम केले. पॉर्न व्हिडीओचा त्याच्या मनावर एवढा परिणाम झाला की तो स्वतःही तसाच विचार करू लागला.

महिला शिक्षिकेने नकार दिल्यानंतर अल्पवयीन मुलाने उलट तिच्यावरच लैंगिक छळाचा आरोप केला. महिला शिक्षिकेने आपले निर्दोषत्व सिद्ध करण्यासाठी 3 वर्षे लढा दिला. पोलिस, शाळेचे कर्मचारी आणि माध्यमे या सर्वांनी मुलाचे म्हणणे खरे मानले होते.

अखेर वकील आणि न्यायालयीन खटल्यांवर 40 लाख रुपये खर्च केल्यानंतर न्यायालयाने महिला शिक्षिकेला निर्दोष ठरवले आहे. पुढे तपासात मुलानेच पॉर्न पाहून संपूर्ण कट रचल्याचे निष्पन्न झाले.

पॉर्नच्या दुनियेत हरवून एका अल्पवयीन मुलाने केले वाईट कृत्य

प्रकरण 2019 चे आहे. 46 वर्षीय रेबेका व्हाइटर्ट्सने ग्रेटर मँचेस्टरमधील एका शाळेत आधुनिक भाषा शिकवायची. तिच्या वर्गातील बहुतेक मुले 14 ते 16 वयोगटातील होती. यातच एका 15 वर्षीय मुलाने तिच्यावर वाईट नजर टाकण्यास सुरुवात केली.

तो विद्यार्थी पोर्न एडिक्ट होता. तिथूनच त्याला ही कल्पना सुचली. मदतीच्या बहाण्याने तो शाळेच्या इमेल आयडीवर शिक्षिका रेबेकाशी बोलू लागला. हळूहळू तो सोशल मीडियावर त्यांच्यात सामील झाला.

मग अचानक एके दिवशी त्या मुलाने रेबेकाला सांगीतले की त्याचे तिच्यावर प्रेम आहे. रेबेकाने नकार दिल्यावर तो तिला रोजच छळू लागला. जेव्हा जेव्हा रेबेका वर्गात एकटी असायची तेव्हा तो तिला स्पर्श करण्याचा प्रयत्न करायचा.

एकदा त्याने तिला एकांतात रेबेकाला चापट मारली आणि तिच्या तोंडावर थुंकले. त्याला हे सर्व रोमँटिक वाटले, त्याने हे पॉर्न साईटवर पाहून केले होते.

इच्छा असूनही रेबेका हे कोणालाही सांगू शकत नव्हती. एवढ्या लहान मुलाच्या या कृत्यांवर कोणीही विश्वास ठेवणार नाही हे तिला माहीत होते. हा मुलगा तिला सतत पॉर्न व्हिडिओच्या लिंक पाठवत असे ज्यात वयस्कर महिला होत्या. तो त्याचे स्वताचे न्यूड फोटोही पाठवायचा.

तीन वर्षांच्या संघर्षानंतर वास्तव समोर आले, सर्वांनी रेबेकाला दोषी मानले होते

त्या विद्यार्थ्याच्या वाईट वागण्याला कंटाळून रेबेकाने नोकरी सोडण्याचा निर्णय घेतला होता. मात्र दोन मुलांच्या आईवर कुटुंब चालवण्याची जबाबदारी होती, त्यामुळे ती ते करू शकली नाही. लंडनमधून प्रसिद्ध झालेल्या 'द संडे टाइम्स'च्या वृत्तानुसार, त्या मुलाच्या भीतीमुळे रेबेका शाळेत कधीही एकटी राहिली नाही. तो अल्पवयीन विद्यार्थी तिला शाळेबाहेर भेटण्यासाठी दबाव टाकत असे.

पण एके दिवशी रेबेकाचा संयम सुटला. तिने सर्व काही तिच्या वरिष्ठ शिक्षकांना सांगितले. शाळा प्रशासनाच्या सांगण्यावरून रेबेकाने पोलिसांत तक्रार दाखल केली.

पोलिसांसोबतच्या पहिल्याच भेटीत, रेबेकाला कळते की त्या मुलाने तिच्यावर लैंगिक शोषण आणि नग्न फोटो पाठवल्याचा आरोपही केला आहे. पोलिसांनी रेबेकाचीही चौकशी केली. जवळजवळ प्रत्येकजण त्या मुलाच्या लैंगिक शोषणासाठी रेबेकाला दोष देऊ लागला.

तपासात वास्तव समोर आले असले तरी मुलावर कारवाई होणार नाही

या प्रकरणाचा तपास तीन वर्षे चालला. त्यानंतर कोर्टाने या संपूर्ण प्रकरणात रेबेकाला निर्दोष ठरवले. कठोर चौकशी केली असता त्या अल्पवयीन मुलानेही सत्य सांगितले. या मुलाने आपल्या शिक्षकासोबत अत्याचार केल्याचे आणि पकडले जाण्याच्या भीतीने खोटे आरोप केल्याचे न्यायालयात कबूल केले. न्यायाधीशांनी रेबेकाला निर्दोष ठरवले तेव्हा तिला आपले अश्रू आवरता आले नाहीत.

रेबेकाला पुन्हा शाळेत जायची इच्छा नाही. त्यांनी शिक्षकी पेशा सोडण्याचा निर्णय घेतला आहे.

न्यायालयात सत्य बाहेर आल्यानंतरही अल्पवयीन आरोपींवर कारवाई करण्याचा पोलिसांचा काही विचार नाही. मात्र, या प्रकरणात जर रेबेका दोषी आढळली असती, तर ब्रिटनच्या कायद्यानुसार तिला 14 वर्षांपर्यंतची शिक्षा ठोठावण्यात आली असती.

ऑनलाइन पॉर्न कंटेंटमुळे मुलांच्या मनावर वाईट संस्कार होत आहेत

इंटरनॅशनल अकादमी ऑफ सेक्स रिसर्चचे तज्ज्ञ पॉल जे राइट यांनी 'पोर्नोग्राफी अँड द सेक्शुअल सोशलायझेशन ऑफ चिल्ड्रन' या नावाच्या एका शोधनिबंधात मुलांवर पॉर्नचा काय परिणाम होतो हे सविस्तरपणे सांगितले.

जगभरातून डेटा गोळा केल्यानंतर पॉल या निष्कर्षाप्रत आले की पॉर्नचा प्रौढांपेक्षा मुलांवर जास्त नकारात्मक परिणाम होतो. पॉर्न पाहिल्यावर त्यांच्या मनात मोठ्या वयस्कर पुरूषांच्या तुलनेत तसेच लैंगिक वर्तन करण्याचा विचार जास्त येतो.