आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

प्रेरणादायी:जीवनातील अनुभवच तुम्हाला मानसिक बळ देतात, त्यामुळे अनुभव घेत राहा

औरंगाबाद19 दिवसांपूर्वी
  • कॉपी लिंक

‘माझ्या मित्रांचे म्हणणे आहे की जर त्यांना एखादे अॅडव्हेंचर (साहस) करायचे असेल तर मी तो शेवटचा व्यक्ती आहे ज्याच्यासोबत ते येऊ इच्छितात. मला निसर्ग, जंगल खूप आवडते. मला स्कूबा डायव्हिंग आवडते. मी अॅमेझॉनचे जंगल भटकलो आहे. मित्रांनी मला अनेकदा दुर्घटनांमधून वाचताना पाहिले आहे.

एकदा शार्कच्या तोंडात जाता-जाता वाचलो. ग्रेट व्हाइट शार्कचा अर्धा भाग माझ्यासोबत पिंजऱ्यात होता आणि तो माझ्याशी झपटत होता. खरे तर मला पिंजऱ्यात ठेवून पाण्यात उतरवले जात होते. हे चालू असतानाच एक पांढरा शार्क हवेत उडी मारून टूना मासा खाण्याच्या प्रयत्नात थेट माझ्या पिंजऱ्यात पडला. मी पिंजऱ्याच्या तळाशी होतो. पांढरा शार्क माझ्या डोक्यापासून फक्त एक हात लांब होता. त्याने तीन-चार वेळा माझ्यापर्यंत पोहोचण्याचा प्रयत्न केल. शार्कने स्वतःला पिंजऱ्यातून बाहेर ढकलले. माझ्यासोबत असलेल्या व्यक्तीने सांगितले की, तो ३० वर्षांपासून हे काम करत आहे; परंतु यापूर्वी असे काही पाहिले नाही.

असाच एकदा मी डेल्टा एअरलाइन्सच्या फ्लाइटने रशियाला जात होतो. बिझनेस क्लासमध्ये होतो आणि माझ्या डोळ्यांसमोर एक इंजिन पूर्णपणे जळून गेले. मी खिडकीवर बसून बाहेर विंगकडे बघत होतो. काही वेळातच विंग आगीच्या गोळ्यात बदलले. धूमकेतूप्रमाणे टर्बाइन फुटताना मी एकटाच होतो. क्रूने सर्व इंजिन बंद केले. आम्ही आवाज न करता हवेत तरंगत होतो. िवमानात शांतता होती. तो एक अतिवास्तव अनुभव होता. त्यांनी बॅकअप इंजिन सुरू केले आणि आम्ही जेकेएफ येथे आपत्कालीन लँडिंग केले.

आणखी एक किस्सा आहे, ही घटना स्काय डायव्हिंग दरम्यान घडली. तो एक टँडम डाइव्ह होता. आम्ही पहिले पॅराशूट उघडले. तो गोंधळला. सोबतच्या गृहस्थांनी त्याचे दोर कापले. आम्ही वेगाने खाली पडू लागलो. दुसऱ्या पॅराशूटचा विचार माझ्या मनात आला नाही. त्याने दुसरे पॅराशूट उघडले, तेही गोंधळले. आम्ही वेगाने पडत होतो, माझे मित्र अर्धा मैल वर राहिले होते. काही क्षणानंतर त्याला पॅराशूट उघडण्यात यश आले. तो म्हणाला, आम्ही खूप वेगाने खाली जात आहोत, जमिनीवर आदळताच पाय तुटण्याची शक्यता आहे. ज्याने दोनदा मृत्यू पाहिला आहे, त्याचा पाय तुटण्याची भीती त्याला दुःखी करू शकत नाही. बरं, आम्ही अडखळत पडलो पण आमचे पाय मोडले नाहीत.

आयुष्यात कुठूनही संकट येऊ शकते. तो जीवनाचा एक भाग असेल. स्वतःला मर्यादित करू नका. अनुभव मिळवण्याची एक किंमत असते, जी तुम्हाला द्यावी लागेल. केवळ अनुभवच तुम्हाला शक्ती देईल. ही मानसिक ताकद अधिक असेल. मन मजबूत असेल तर ते प्रत्येक प्रसंगाला सामोरे जाईल. अनुभवत घेत राहा, हेच जीवन आहे. (द वायरशी संवाद साधताना प्रसिद्ध अभिनेता लिओनार्दो डिकॅप्रियो)

बातम्या आणखी आहेत...