संशोधन:कामची बेचैनी आणि तणावापासून स्वत:चा बचाव कसा कराल?

कधी-कधी कामाच्या अस्वस्थतेमुळे आणि चिंतेमुळे जीवनात समस्याही निर्माण होतात. अनेक संशोधनातून असे दिसून आले आहे की, जेव्हा ऑफिसमध्ये कामाचा ताण वाढतो तेव्हा मनात नकारात्मक विचार येण्याची शक्यताही वाढते. ही एक नैसर्गिक प्रतिक्रिया आहे. किंबहुना, जास्त कामामुळे तुम्हाला जाणवणारी अस्वस्थता आणि तणाव हेच बहुतेक समस्यांना कारणीभूत ठरते. त्यामुळेही समस्या निर्माण होतात. त्याचा सामना कसा करायचा ते जाणून घ्या...

१) नकारात्मक विचारांपासून स्वत:ला दूर ठेवा
कामाच्या प्रति अतिउत्साहीपणा किंवा अस्वस्थता देखील हानिकारक ठरू शकते. ही अस्वस्थता तुमच्या आजूबाजूला नकारात्मक प्रभाव निर्माण करते. तुम्ही असा विचार करू लागता की तुमच्या आजूबाजूचे सर्व लोक तुम्हाला आवडत नाहीत आणि तुम्हाला प्रतिभावान मानत नाहीत. अशा विचारसरणीपासून स्वतःचे संरक्षण करणे महत्त्वाचे आहे. कारण जोपर्यंत तुमच्याकडे ठोस पुरावा नसतो तोपर्यंत ती केवळ काल्पनिकच असते.

२) अभिप्रायापासून बचावाचा प्रयत्न करू नका
बेचैन लोक आपला अभिप्राय अतिशय गंभीररीत्या घेतात. ते त्यांच्या अपयशाचे लक्षण म्हणून अभिप्राय देखील घेतात. तुम्हाला फीडबॅक नको असल्यास, टीका ऐकण्याचा दुसरा मार्ग शोधा, जो तुम्हाला सोपा वाटेल. फीडबॅकमुळे अस्वस्थ होण्याची गरज नाही. तुम्ही एवढेच म्हणू शकता की हे फायद्याचे मुद्दे होते आणि त्यांना एकांतात जात त्यावर विचार करण्यासाठी वेळ हवा आहे.

३) व्यक्तीमत्व सरळ ठेवा, गुंतागुंतीचे नको
अनेकदा लोक ते आवश्यकतेपेक्षा जास्त अस्वस्थ करणाऱ्या गोष्टी टाळण्याचा प्रयत्न करतात. त्यानंतर ते खजिल ही होतात. कदाचित तुम्हाला ईमेलला प्रत्युत्तर देताना अस्वस्थ वाटत असेल, म्हणून तुम्ही ते दीर्घकाळापर्यंत टाळत रहाता. यामुळे तुमच्या विश्वासार्हतेवर प्रश्नचिन्ह निर्माण होऊ शकतात. तुम्ही तुमचा संकोच पूर्ण सहजतेने आणि प्रामाणिकपणाने स्वीकारणे चांगले.

४) नव्या विचारांवर सकारात्मक प्रतिक्रिया द्या
नव्या विचारांवर परंतु तुमची पहिली प्रतिक्रिया जोखीम आणि अपयशाबद्दल असेल तर लोक ती नकारात्मक मानू शकतात. प्रत्येक नवीन कल्पनेच्या सकारात्मक बाजूबद्दल प्रथम बोला. त्यात काय चांगले आहे ते प्रथम सांगा. त्यानंतर तुम्ही तुमची चिंता व्यक्त करू शकता. पण या काळात सकारात्मक राहा. आपण हे करू शकत नसल्यास, प्रतिसाद देण्यासाठी वेळ घ्या. योग्य विचार करूनच अभिप्राय द्या.