वीज वितरण कंपनीकडून दुरुस्ती:शहर, उपनगरात 1 दिवस‎ विलंबाने पाणीपुरवठा‎

शनिवारी (४ फेब्रुवारी) रोजी वीज वितरण कंपनीकडून दुरुस्तीसाठी‎ घेण्यात येणाऱ्या शट डाऊनमुळे शहराच्या मध्यवर्ती भागासह उपनगर‎ भागास एक दिवस विलंबाने पाणीपुरवठा होणार असल्याची माहिती‎ महापालिकेने दिली.‎ शनिवारी मुळा डॅम वाहिनीचे फिडर शिफ्टींग व दुरुस्ती कामासाठी‎ सकाळी ११ ते ५ वाजेपर्यंत शटडाउन घेण्यात येणार आहे.

तसेच या‎ वेळेत महापालिकेमार्फत राबवण्यात येत असलेल्या अमृत पाणीपुरवठा‎ योजनेची कामे, कार्यरत शहर पाणीपुरवठा योजनेवरील दुरुस्तीची कामे‎ हाती घेण्यात येणार आहे. या काळात मुळानगर, विळद येथून होणारा‎ पाण्याचा उपसा बंद राहणार असल्याने शहर पाणी वितरणासाठीच्या‎ टाक्या भरता येणार नाही. त्यामुळे शनिवारी बोल्हेगाव, नागापूर, सावेडी‎ उपनगरातील गुलमोहर रोड, पाइपलाइन रोड, लक्ष्मीनगर, सूर्यनगर,‎ निर्मलनगर, मुकुंदनगर तसेच सारसनगर, केडगाव, नगर-कल्याण‎ रोडवरील शिवाजीनगर परिसर भागात सकाळी ११ नंतरचा पाणीपुरवठा‎ होऊ शकणार नाही.

हा पाणीपुरवठा रविवारी करण्यात येणार आहे.‎ रविवारी रोटेशननुसार पाणी वाटपाच्या शहराच्या मध्यवर्ती भागातील‎ सिध्दार्थ नगर, लालटाकी, तोफखाना, दिल्लीगेट, नालेगाव, चितळे‎ रोड, आनंदीबाजार, कापड बाजार, खिस्त गल्ली, पंचपीर चावडी, जुने‎ मनपा कार्यालय परिसर, माळीवाडा, बालिकाश्रम रोड परिसर, तसेच‎ सावेडी, स्टेशन परिसर, आगरकर मळा, विनायक नगर, कायनेटीक‎ चौक परिसर या भागात रविवार ऐवजी सोमवारी पाणी सोडण्यात येणार‎ आहे.‎ सोमवारी पाणीपुरवठा होवू घातलेल्या मंगलगेट, रामचंद्रखुंट,‎ झेडींगेट, जिल्हाधिकारी कार्यालय परिसर, दाळमंडई, काळू बागवान‎ गल्ली, धरती चौक, बंगाल चौकी, माळीवाडा, कोठी या भागात व‎ गुलमोहर रोड, प्रोफेसर कॉलनी परिसर, सिव्हील हडको, प्रेमदान हडको,‎ म्युनिसिपल हडको या भागात मंगळवारी पाणी पुरवठा होणार आहे, असे‎ मनपाने म्हटले आहे.‎