राज्यात सर्वात मोठा सर्व्हे:नगर‎ जिल्ह्यात 1 लाख एकल महिला‎, महिलांपर्यंत कल्याणकारी योजना पोहोचवण्यासाठी पुढाकार‎

अहमदनगर जिल्हा परिषदेने जिल्ह्यातील एकल महिलांपर्यंत ‎ ‎ विविध कल्याणकारी योजना पोहोचवण्यासाठी ग्रामपंचायत व ‎ ‎ अंगणवाडी सेविकांमार्फत गावपातळीवर एकल महिलांचे‎ सर्वेक्षण केले. त्यात १ लाख ७२६ एकल असल्याचे समोर‎ आले.

जिल्ह्यातील एकल महिलांचे नियोजनबद्ध सर्वेक्षण‎ करणारा अहमदनगर हा राज्यातील पहिला जिल्हा ठरला आहे.‎ मुख्य कार्यकारी अधिकारी आशिष येरेकर यांनी पुढाकार‎ घेऊन सर्व ग्रामपंचायतींना गावातील विधवा, घटस्फोटीत व ‎ ‎ परित्यक्ता व स्वेच्छेने अविवाहित राहिलेल्या महिलांचे‎ सर्वेक्षण करण्याचे आदेश दिले होते.

ग्रामविकास‎ अधिकाऱ्यांनी अंगणवाडी सेविकांच्या मदतीने गावातील अशा ‎ ‎ महिलांची माहिती संकलित केली, त्यात १ लाख ७२६ एकल ‎ ‎ महिला असल्याचे समोर आले. जिल्ह्याच्या ग्रामीण भागात ‎ ‎ विधवा घटस्फोटीत परित्यक्ता महिलांची इतकी मोठी संख्या ‎यानिमित्ताने प्रथमच एकत्रित प्रशासनाच्या समोर आली.‎ त्यामुळे त्यांच्यासाठी आर्थिक तरतूद करून विविध योजना‎ राबवणे शक्य होईल.

या सर्वेक्षणाच्या आधारे ८ मे रोजी ‎ ‎ जिल्हाधिकारी सिध्दाराम सालिमठ यांच्या अध्यक्षतेखाली‎ मुख्य कार्यकारी अधिकारी येरेकर यांनी विविध विभागांचे‎ अधिकारी व एकल महिलांसाठी काम करणाऱ्या साऊ एकल‎ समितीचे कार्यकर्ते, महिला स्वयं रोजगारासाठी काम‎ करणाऱ्या संस्था अशी एकत्रित बैठक आयोजित केली होती.‎ त्यात या महिलांच्या पुनर्वसनासाठी कृतिकार्यक्रम व प्रकल्प‎ करण्याचे ठरवले.

यावेळी साऊ एकल महिला समितीचे राज्य‎ निमंत्रक हेरंब कुलकर्णी, जिल्हा अध्यक्ष अशोक‎ कुटे,मिलिंदकुमार साळवे,कारभारी गरड,नवनाथ‎ नेहे,बाळासाहेब जपे, प्रतिमा कुलकर्णी,रेणुका चौधरी,नितेश‎ बनसोडे हे उपस्थित होते.‎

कुठे किती एकल‎ महिला‎ ‎ विधवा महिलांची मोठी संख्या‎ संगमनेरमध्ये ९ हजार ८१८ आहे.‎ राहाता (८७५४) नेवासा (९५६३)‎ व पारनेर (९०४०) या तालुक्यात‎ आहे. घटस्फोटीत महिलांची सर्वात‎ जास्त संख्या अकोले (१७८७) व‎ शेवगाव (१२६८ ) तालुक्यात आहे.‎ परित्यक्ता महिलांची संख्या अकोले‎ (१६१२) शेवगाव (९७६) व‎ संगमनेर (८३९) तालुक्यात जास्त‎ आहे.घटस्फोटीत व परित्यक्ता‎ यांची संख्या अकोले तालुक्यात‎ जिल्ह्यांत सर्वात जास्त आहे.‎

नगरच्या धरर्तीवर‎ राज्यात सर्वेक्षण व्हावे‎ ‎ राज्यात सर्वात प्रथम झालेल्या या‎ सर्वेक्षणाचे अनुकरण राज्यातील‎ सर्व जिल्हा परिषदा, नगर‎ जिल्ह्यातील नगरपंचायत,‎ नगरपालिका, महानगरपालिका‎ क्षेत्रातही करायला हवे. एका‎ जिल्ह्यात जर इतकी मोठी संख्या‎ असेल तर राज्यात ही संख्या खूप‎ मोठी असेल तेव्हा संपूर्ण राज्यात हे‎ सर्वेक्षण सरकारने करायला हवे,‎ असे साऊ एकल महिला समितीचे‎ राज्य निमंत्रक हेरंब कुलकर्णी यांनी‎ सांगितले.‎

४० वर्षावरील अविवाहित‎

महिलांना रोजगार देणे हा उद्देश‎ ‎ एकल महिलांची संख्या निश्चित करून‎ त्यांना विविध शासकीय योजनांचा लाभ व‎ रोजगार मिळवून देणे हा या सर्वेक्षणामागील हेतु‎ होता. महिलांना स्वत:च्या पायावर उभे करणे हा‎ जिल्हा परिषदेचा उद्देश आहे. या महिलांच्या‎ रोजगारासाठी प्रशासन जास्तीत जास्त प्रयत्न‎ करणार आहे.‎ ‎ आशीष येरेकर, मुख्यकार्यकारी अधिकारी, जि.प.‎

महिलांना रोजगार देणे हा उद्देश‎

एकल महिलांची संख्या निश्चित करून‎ त्यांना विविध शासकीय योजनांचा लाभ व‎ रोजगार मिळवून देणे हा या सर्वेक्षणामागील हेतु‎ होता. महिलांना स्वत:च्या पायावर उभे करणे हा‎ जिल्हा परिषदेचा उद्देश आहे. या महिलांच्या‎ रोजगारासाठी प्रशासन जास्तीत जास्त प्रयत्न‎ करणार आहे.‎ ‎

-आशीष येरेकर, मुख्यकार्यकारी अधिकारी, जि.प.‎​​​​​​​

नगरच्या धरर्तीवर‎ राज्यात सर्वेक्षण व्हावे‎ ‎ राज्यात सर्वात प्रथम झालेल्या या‎ सर्वेक्षणाचे अनुकरण राज्यातील‎ सर्व जिल्हा परिषदा, नगर‎ जिल्ह्यातील नगरपंचायत,‎ नगरपालिका, महानगरपालिका‎ क्षेत्रातही करायला हवे. एका‎ जिल्ह्यात जर इतकी मोठी संख्या‎ असेल तर राज्यात ही संख्या खूप‎ मोठी असेल तेव्हा संपूर्ण राज्यात हे‎ सर्वेक्षण सरकारने करायला हवे,‎ असे साऊ एकल महिला समितीचे‎ राज्य निमंत्रक हेरंब कुलकर्णी यांनी‎ सांगितले.‎

कुठे किती एकल‎ महिला‎ ‎

विधवा महिलांची मोठी संख्या‎ संगमनेरमध्ये ९ हजार ८१८ आहे.‎ राहाता (८७५४) नेवासा (९५६३)‎ व पारनेर (९०४०) या तालुक्यात‎ आहे. घटस्फोटीत महिलांची सर्वात‎ जास्त संख्या अकोले (१७८७) व‎ शेवगाव (१२६८ ) तालुक्यात आहे.‎ परित्यक्ता महिलांची संख्या अकोले‎ (१६१२) शेवगाव (९७६) व‎ संगमनेर (८३९) तालुक्यात जास्त‎ आहे.घटस्फोटीत व परित्यक्ता‎ यांची संख्या अकोले तालुक्यात‎ जिल्ह्यांत सर्वात जास्त आहे.‎