विकासकामे:मळेगावथडीत दोन वर्षांत‎ 1.19 काेटींची विकासकामे‎

तालुक्यातील मळेगाव थडी‎ ग्रामपंचायतीच्या‎ सरपंचपदी संधी ‎मिळाल्याने‎ गेल्या २ वर्षांच्या ‎कालावधीत‎ ग्रामपंचायत‎ अंतर्गत १ कोटी १९ लाख २९ हजार‎ रुपयांची विकासकामे पूर्ण करता‎ आली, अशी माहिती सरपंच अनिता‎ किरण उगले यांनी दिली.‎ भाजपच्या प्रदेश सचिव स्नेहलता‎ कोल्हे व जिल्हा बँकेचे संचालक‎ विवेक कोल्हे यांच्या नेतृत्वाखाली व‎ गटविकास अधिकारी सचिन‎ सुर्यवंशी, संजीवनी पतसंस्थेचे‎ माजी अध्यक्ष सखाहरी उगले व‎ मळेगावथडी सोसायटीचे माजी‎ अध्यक्ष संतोष दवंगे, उपसरपंच‎ मुकेश चंद्रे, ग्रामपंचायतीचे सर्व‎ सदस्य ग्रामस्थांच्या सहकार्याने‎ गेल्या २ वर्षांच्या कालावधीत‎ मळेगावथडी पंचकोशीत विविध‎ विकासकामे करता आली.

यामध्ये‎ एकलव्य नगरमध्ये गटार (३ लाख‎ १४ हजार ७०० रुपये), आरओ रोड‎ दुरुस्ती (१ लाख ५० हजार रुपये),‎ जिल्हा परिषद शाळा गावठाण‎ संरक्षक कंपाउंड (२ लाख ५०‎ हजार), गावठाण अंगणवाडी‎ शौचालय (५० हजार),‎ निलाववाडी अंगणवाडी शौचालय‎ (५० हजार), निलाववाडी‎ पिण्यांच्या पाण्यांचा आरओ प्लॅट‎ (५ लाख), जिल्हा परिषद निधी‎ अंतर्गत गावठाण शाळा (२ लाख),‎ पाण्याची टाकी, आदिवासी वस्तीत‎ हायमॅक्स (४ लाख), सन‎ २०२१-२२ या आर्थिक वर्षात ९‎ सायकली (४५ हजार), दिव्यांग‎ कल्याण निधीतून रूपाबाई मोरे (५‎ हजार), किराणा वाटप (३८‎ हजार), चारी क्रमांक ५ रस्ता (४‎ लाख ८९ हजार ३११), गावठाण‎ गटार (४ लाख), अंगणवाडी‎ वजनकाटे (४ हजार ८००), सेवकर‎ वस्ती ते दवंगे वस्ती रस्ता (१५‎ लाख), ४२ घरकुले पूर्ण (प्रत्येकी‎ दीड लाख रुपये प्रमाणे ६३ लाख),‎ बिहार पॅटर्न अंतर्गत स्मशानभूमी‎ परिसरात ४५० झाडांचे वृक्षारोपण,‎ स्वच्छ भारत योजनेअंतर्गत‎ शौचालयासाठी ३० लाभार्थ्यांना‎ प्रत्येकी १२ हजार रुपयांचे अनुदान‎ वाटप, दवंगे वस्ती ते कदम वस्ती‎ रस्ता (२ लाख ८५ हजार), जिल्हा‎ परिषद शाळेजवळील गटार (३‎ लाख), जिल्हा परिषद शाळा दवंगे‎ वस्ती स्वच्छ भारत अंतर्गत‎ स्वच्छतागृह (३ लाख १० हजार),‎ बडदे शिंदे वस्ती पेव्हींग ब्लॉक २‎ लाख खर्चाची कामे मार्गी लागली.‎