सुविधा:बोल्हेगाव ते निंबळक बायपास‎ रस्त्यासाठी चार कोटींचा निधी‎

बोल्हेगाव परिसर हा शहराचे उपनगर‎ म्हणून विकसित होत आहे. या‎ भागातील नागरिकांना‎ दळणवळणाच्या सुविधा मिळाव्यात,‎ यासाठी मनमाड रस्ता (सावेडी)‎ बोल्हेगाव ते निंबळक‎ बायपासपर्यंतच्या सुमारे चार किमीच्या‎ रस्त्याच्या कामासाठी मुख्यमंत्री ग्राम‎ सडक योजनेतून ४ कोटी ५ लाख‎ रुपयांचा निधी मंजूर झाला आहे. या‎ रस्त्याचे रुंदीकरणासहित साडेपाच‎ मीटरपर्यंतचे काम होणार आहे. तसेच,‎ रस्ता दुरुस्तीसाठी पाच वर्षासाठी २५‎ लाख रुपयांच्या निधीची तरतूदही‎ करण्यात आल्याची माहिती आमदार‎ संग्राम जगताप यांनी दिली.‎

बोल्हेगाव निंबळक‎ बायपासपर्यंतच्या रस्त्याचे काम पूर्ण‎ झाल्यानंतर नागरिकांना‎ दळणवळणाच्या दृष्टीने अत्यंत‎ जवळचा रस्ता वाहतुकीसाठी‎ उपलब्ध होईल. ग्रामीण भागातील‎ नागरिकांना खरेदीसाठी व‎ व्यवसायासाठी नगर शहरात‎ येण्यासाठी दळणवळणाची सोय होत‎ आहे. यातून शहराच्या बाजारपेठेत‎ व्यावसायिकरण वाढण्यास मदत‎ होईल. विविध कामांच्या माध्यमातून‎ नगर शहर हे विकसित शहर म्हणून‎ ओळखले जाईल, असा विश्वासही‎ आमदार संग्राम जगताप यांनी व्यक्त‎ केला आहे.‎