गुन्हा दाखल:एटीएम कार्ड बदलून 43 हजार लंपास

हात चलाखीने एटीएम कार्ड बदलून खात्यातील ४३ हजार ३६० रूपयांची रक्कम काढून घेत एका नोकरदाराची फसवणूक केली. नगर-मनमाड रोडवरील कोहिनूर मॉल शेजारी ही घटना घडली.

दिलीप दासराव चिरके (वय ५९ रा. सुभाषनगर ता. बार्शी, जि. सोलापूर) यांनी यासंदर्भात तोफखाना पोलिस ठाण्यात दिलेल्या फिर्यादीवरून दोन अनोळखी विरोधात गुन्हा दाखल करण्यात आला आहे. अधिक तपास महिला पोलिस उपनिरीक्षक प्रियंका आठरे करीत आहेत.